Búgin tańerteń Qaznetke taǵy da keń aýqymdy kibershabýyldar jasaldy, dep habarlady Memlekettik tehnikalyq qyzmettiń baspasóz qyzmeti.
"Bul jaǵdai elimizdiń barlyq óńirinde internettiń jumysyna áser etýde. Qazirgi ýaqytta qaýip-qaterdi beitaraptandyrý jumystary júrgizilip jatyr", - delingen vedomstvonyń taratqan habarlamasynda.
Internettiń qazaqstandyq segmentine birneshe kúnnen beri kibershabýyl jasalyp jatqanyn buǵan deiin de habarlaǵan bolatynbyz.
Memlekettik tehnikalyq qyzmettiń málimetinshe, bul kibershabýyldar elimizdiń memlekettik organdaryna da, Qaznettiń infraqurylymyna da baǵyttalǵan.
Vedomstvo uzaqqa sozylǵan kibershabýyldar elde jáne álemde bolyp jatqan qoǵamdyq oqiǵalarmen bailanysty dep boljady.
