«QazMunaiGaz» UK» AQ janarmai quiý stansalar jelisin ielik etken «QMG-Retail» JShS kompaniiasyndaǵy 100 paiyzdyq úlesin 60,5 mlrd teńgege satty, dep habarlaidy "Ult aqparat" kompaniianyń baspasóz qyzmetine silteme jasap.
2018 jylǵy 12 jeltoqsanda memlekettik múlik tizilimi veb-portalynyń saitynda «QMG-Retail» JShS-in satý boiynsha elektrondyq saýda-sattyq ótti. Saýda-sattyq, oǵan qatysqan kompaniialar, onyń jeńimpazy týraly aqparat www.gosreestr.kz saitynda jariialanǵan.
2019 jyldyń 8 aqpanynda konkýrs jeńimpazy «Petro-Retail» JShS men «QMG-Retail» JShS-niń 100 paiyzdyq úlesin satyp alý-satý sharty jasaldy.
Osy jyldyń 1 sáýirinen bastap QMG enshiles kompaniiasy «QazMunaiGaz Ónimderi» JShS men «QMG-Retail» JShS arasyndaǵy janarmai quiý stansalaryn jalǵa alý jáne paidalaný týraly kelisimshart kúshin joidy. Sáikesinshe, 2019 jyldyń 1 sáýirinen bastap janarmai quiý stansalarynyń jumysyn júrgizý «Petro-Retail» JShS-ne ótti.
Aktivti satý kezinde jańa ielenýshige qyzmetkerlerdiń jumys ornyn saqtap qalý talaby qoiyldy. Oǵan sáikes, jańa menshik iesi QMGÓ jáne onyń filialdarynyń óndiristik personalyn túgeldei qazirgi shartpen keminde alty aiǵa jumysqa qabyldaýy kerek.
Sondai-aq, baiqaý talaby men satyp alý-satý shartynda kórsetilgendei, «QazMunaiGaz» JMQS jelisiniń saýdalyq ataýy 2019 jyldyń sońyna deiin qoldanysta bolady.
«QMG-Retail» JShS-in satý yellow pages qaǵidattaryna sai kvazimemlekettik sektor úlesin azaitý jónindegi QMG josparlarymen bailanysty, sondai-aq QMG-nyń damý strategiiasyna sáikes keledi.
