Búgin Úkimettiń selektorlyq rejimdegi otyrysynda QR Premer-Ministri Baqytjan Saǵyntaev «QazMunaiGaz» vitse-prezidenti Daniiar Berlibaevty qyzmetinen bosatty, dep habarlaidy "Ult aqparat".
Úkimet basshysy ulttyq kompaniia vitse-prezidenti eldegi benzinge qatysty ahýaldy retteýde óziniń mindetin oryndai almaǵandyǵyn basa aitty.
«Premer-Ministr jáne «Samuryq-Qazyna» UK» AQ Direktorlar keńesiniń tóraǵasy retinde óz mindetin tiisti deńgeide oryndai almaǵan «QazMunaigaz» basqarmasy tóraǵasyna sógis túrindegi tártipti jazany belgileý boiynsha sharalardy belgilengen tártippen qabyldaýdy tapsyramyn. Sonymen qatar óz mindetin tiisti deńgeide oryndai almaǵan «QazMunaiGaz» UK» basqarmasy tóraǵasynyń orynbasary Daniiar Berlibaevtyń ókilettigin toqtatý týraly sheshim qabyldaý qajet», - dedi Baqytjan Saǵyntaev.
