Memlekettik qyzmet isteri jáne sybailas jemqorlyqqa qarsy is-qimyl agenttiginiń resmi ókili Janna Bastarova «QazMunaiGaz» UK» AQ-nyń «QazMunaiGaz ónimderi» JShS bas direktorynyń zańsyz is-áreketteriniń joly kesilgenin málimdedi, dep habarlaidy Baq.kz agenttigi.
«2018 jyldyń 1 qarasha kúni Sybailas jemqorlyqqa qarsy is-qimyl ulttyq biýrosymen jedel izdestirý sharalaryn júrgizý barysynda «QazMunaiGaz» UK» AQ-nyń «QazMunaiGaz» ónimderi JShS bas direktorynyń zańsyz is-áreketteriniń joly kesildi. Ol ózine baǵynyshty «QazMunaiGaz ónimderi» JShS-nyń ShQO filialy direktorynyń mindetin atqarýshydan jalpy qamqorlyǵymen onyń qyzmettik áreketterine jol berý úshin 4,3 mln teńge somasynda para aldy dep kúdiktelýde», - dedi Memlekettik qyzmet isteri jáne sybailas jemqorlyqqa qarsy is-qimyl agenttiginiń resmi ókili Janna Bastarova.
Onyń aitýynsha, óz kinásin moiyndaýyna bailanysty kúdiktilerge qatysty kepil túrindegi bultartpaý sharasy qoldanylǵan. Tergeý júrgizilýde. Kepildik somasy shamamen 5 mln teńgeni quraidy.
Eske sala ketsek, osyǵan deiin agenttik ókili para alý faktisimen ustalǵan Mańǵystaý oblysy ákiminiń birinshi orynbasaryna qatysty resmi málimdeme jasaǵan bolatyn.
