«QazMunaiGaz Ónimderi» JShS bas direktory Qýandyq Qulmýrzinge sot úkimi shyqty. Oǵan 129 million teńgege jýyq aiyppul salyndy, dep habarlaidy "Ult aqparat" Astana qalalyq sotynyń baspasóz qyzmetine silteme jasap.
Vedomstvo málimetinshe, Astana qalasy Esil aýdandyq №2 sotynyń úkimimen Qýandyq Qulmýrzin QR Qylmystyq kodeksiniń 366-baby 2-tarmaǵynda kózdelgen qylmystyq quqyq buzýshylyqty jasady dep tanylǵan. Soǵan orai, oǵan jaza retinde 128 980 760 teńge aiyppul salyndy. Sonymen qatar, ol ómir boiy memlekettik qyzmette, sotta, jergilikti ózin-ózi basqarý organdarynda, QR Ulttyq bankinde jáne onyń vedomstvolarynda, memlekettik uiymdarda jáne jarǵylyq kapitalynda 50 paiyzdan astam memleket úlesi bar uiymdarda, onyń ishinde basqarýshy holdingterde, ulttyq holdingterde, ulttyq kompaniialarda, aktsioneri memleket bolyp eseptelinetin ulttyq damý itstitýttarynda, olardyń enshiles uiymdarynda qyzmet atqara almaidy.
«Sottalýshy úkim zańdy kúshine engen kúnnen bastap bir aidyń ishinde aiyppuldy tóleýge mindetti. Úkim zńdy kúshine engen joq», - dep atap ótedi Astana qalalyq soty.
