«QazMunaiGaz» UK AQ «Samuryq-Qazyna» AQ-dan «QMG Qashaǵan B.V.» JShJK kompaniiasyndaǵy 50% úlesin satyp aldy, dep habarlaidy "Ult aqparat" QMG baspasóz qyzmetine silteme jasap.
Kompaniia málimetinshe, 15 qyrkúiekte «QazMunaiGaz» UK AQ 2015 jyly jasalǵan Optsiondyq kelisim aiasyndaǵy óz quqyǵyn paidalanyp, «Samuryq-Qazyna» AQ-tan Soltústik Kaspii jobasy (budan ári – Qashaǵan jobasy) boiynsha Ónimdi bólý týraly kelisimniń 16,88% tiesili «QMG Qashaǵan B.V.» JShJK kompaniiasyndaǵy 50% úlesin 3,8 mlrd AQSh dollaryna satyp aldy.
«Bul – «QazMunaiGaz» úshin sońǵy jyldardaǵy eń iri satyp alý mámileleriniń biri. Qashaǵan jobasyndaǵy úlesi artýy arqyly QMG-nyń shoǵyrlandyrylǵan móndirý, EBITDA, taza paida jáne aktivter kórsetkishteri jaqsarady. Bul rette kompaniianyń qaryzy da artady. Satyp alý úshin tólem QMG Qashaǵan B.V. aqsha aǵymdarynyń esebinen júzege asyrylady dep josparlanýda», - dep habarlady QMG Basqarma tóraǵasynyń orynbasary Dáýren Qarabaev.
2015 jyly QMG túsken qarajatty sol jyldary munai baǵasynyń kúrt tómendeýine bailanysty QMG eýroobligatsiialaryndaǵy «Taza qaryz/ EBITDA
Qazirgi satyp alýdy júzege asyrýǵa QMG-nyń qarjylyq jaǵdaiyn jaqsartý boiynsha júrgizilgen úlken jumys sep boldy, bul osy mámileni kredittik reitingterge áser etpei iske asyrýǵa múmkindik berdi.
"Bul kezeńde qarjylyq jaǵdaidy jaqsartý jónindegi is-sharalar minoritarlyq aktsionerlermen kelissózder júrgizýdi jáne «QazMunaiGaz «Barlaý Óndirý» AQ-daǵy úlesin shoǵyrlandyrýdy, QMG-nyń jariia boryshyndaǵy kovenantty paketti ońtailandyrýdy, sondai-aq QMG aqsha aǵymdaryna sáikes uzaq merzimdi óteý kestesin qurýdy qamtydy. Atap aitqanda, QMG eýroobligatsiialarymen jasalǵan birqatar mámileler nátijesinde kovenanttyq paketten «Taza borysh/ EBITDA
Júrgizilgen jumys nátijesinde QMG-nyń jalpy qaryzy shoǵyrlandyrylǵan aýditten ótken qarjylyq eseptilikke sáikes 2014 jyldyń sońyndaǵy jaǵdai boiynsha 19,2 mlrd AQSh dollarynan 2022 jyldyń birinshi jartyjyldyǵynyń sońynda 8,4 mlrd AQSh dollaryna deiin azaidy. QMG Qashaǵan B.V. úlesin satyp alý mámilesi aiaqtalǵannan keiin QMG-nyń jalpy qaryzy shamamen 10,7 mlrd AQSh dollaryna jetedi" - delingen habarlamada.
Halyqaralyq reiting agenttikteri osy kezeń ishinde QMG-nyń jeke kredittik reitingin arttyryp, kompaniianyń qarjylyq jaǵdaiy jaqsarǵanyn atap ótti.
Buǵan deiin QMG Qashaǵan B.V. kompaniiasynyń 50% úlesine aldyn ala shekteý qoiylǵan edi, ony biyl Gaaga (Niderland) Apelliatsiialyq soty alyp tastady. Bul sheshimge qatysty Niderland Joǵarǵy sotyna túsken shaǵym QMG-nyń 50% úlesin satyp alý týraly mámilesine áser etpeidi, óitkeni Apelliatsiialyq sottyń shekteýdi alyp tastaý týraly sheshimi dereý kúshine enedi.
