«QazMunaiGaz» UK» AQ respýblikada janar-jaǵarmai baǵasynyń teńgerimsizdigine jol bermeý boiynsha sharalar qabyldap jatyr. Ulttyq kompaniia benzin baǵasyn tómendetý úshin shtat sanyn qysqartyp, qyzmetkerlerdi syiaqysyz qaldyrmaq, dep habarlaidy "Ult aqparat" Baq.kz aqparat agenttigine silteme jasap.
Kompaniianyń málimetinshe, búgingi kúni Qazaqstannyń soltústiginde, shyǵysynda jáne ortalyǵynda AI-92 qory negizinen Resei Federatsiiasynan ákelinetin benzin esebinen qalyptasyp otyr, onyń ózindik quny litrine 161 teńgeden joǵary.
«Respýblikada baǵalardyń teńgerimsizdigine jol bermeý jáne shyǵyndardy tómendetý úshin «QazMunaiGazdyń» barlyq janarmai quiý stantsiialarynda AI-92 benzininiń biryńǵai bólshek saýda baǵasyn litrine 161 teńge deńgeiinde belgileý týraly sheshim qabyldandy. Sondai-aq «QazMunaiGaz» UK AQ «Óńdeý jáne marketing» baǵyty, «QazMunaiGaz – qaita óńdeý jáne marketing» AQ, «QazMunaiGaz Ónimderi» JShS ortalyq apparatynyń qyzmetkerlerine 2017 jylǵa syiaqy jáne bonýstyq tólemder tólenbeidi», - dep jazylǵan QMG taratqan habarlamada.
Túpkilikti ónimniń ózindik qunyn tómendetý maqsatynda «QazMunaiGaz Ónimderi» JShS shyǵyndaryn edáýir qysqartý, onyń ishinde ortalyq apparattyń shtat sanyn qysqartý josparlanyp otyr.
