Aqparat jáne qoǵamdyq damý ministri Aida Balaeva «Evraziia + ORT» JShS qyzmetkerleriniń koronavirýs infektsiiasyn juqtyrý jaǵdaiyna qatysty pikir bildirdi, dep habarlaidy "Ult aqparat".
«Shynynda da arna basshylyǵynyń bastamasymen júrgizgen test nátijesinde eki adamnyń virýs juqtyrǵany rastaldy. Qazirgi ýaqytta «Qazmedia ortalyǵy» ǵimaratynyń jumysy (sonyń ishinde «Evraziia + ORT» JShS otyratyn oryn da) epidemiiaǵa qarsy qatań rejimge kóshirildi.
Virýs juqtyrǵan azamattarmen jaqyn qarym-qatynasta bolǵandar anyqtalyp, 14 kúndik úi karantinine jabylady. Ǵimaratta jumys isteitin azamattardyń bári de kezeń-kezeńmen koronavirýsty anyqtaityn testileýden ótedi», - dep jazdy Aida Balaeva facebook paraqshasynda.
Ministr keiingi kezde qazaqstandyqtar jappai COVID-19 boiynsha testileýden ótip jatqanyn jetkizdi. Sol sebepti naýqastar sany boiynsha resmi statistika kórsetkishi ósken.
«Ózińiz ben týǵandaryńyzǵa qaýip tóndirmeý úshin sanitarlyq-epidemiologiialyq talaptardyń bárin saqtaýǵa shaqyramyn», - dedi ol.
