«Qazmedia ortalyǵynyń» aldynda «gaz ballonyn jaramyn» dep qorqytqan jigittiń áreketi - qoǵamdyq tártipti buzý bolyp tabylady. Astanadaǵy tosyn oqiǵaǵa qatysty QR Ishki ister ministrliginiń resmi ókili Nurdildá Oraz osylai dedi, dep habarlaidy QazAqparat.
«Politsiia qyzmetkerleri barlyq saqtyq sharalaryn júrgizdi. Qazirgi ýaqytta er adamnyń barlyq talaptary tyńdalýda. Tolyǵyraq aqparat mán-jai anyqtalǵannan keiin belgili bolady. Qazirgi ýaqytta er adamnyń is-áreketi - qoǵamdyq tártipti buzý retinde baǵalanyp otyr. Oqiǵanyń barlyq mán-jaiyn anyqtaý úshin er adamdy Esil aýdanynyń politsiia basqarmasyna alyp ketti», - deidi Nurdildá Oraz.
Qazirgi ýaqytta oqiǵa bolǵan jerde politsiia jáne ózge de jedel qyzmetterdiń qyzmetkerleri júr. Jaǵdai baqylaýda.
Nurdildá Oraz aityp ótkendei, birshama ýaqyttan keiin vedomstvo er adamnyń neni talap etkeni týraly tolyǵyraq aqparat taratatyn bolady.
Aita ketsek, buǵan deiin «Qazmedia ortalyǵynyń» aldynda gaz balonyn jarmaq bolǵan jigit ustalǵan edi.
