Semei qalasynyń №2 soty «Kazkommertsbank» AQ burynǵy qyzmetkerlerine qatysty úkim shyǵardy, dep habarlaidy "Ult aqparat" atalǵan sottyń baspasóz qyzmetine silteme jasap.
Is materialdaryna sai, banktiń qyzmetkerleri aldyn-ala top quryp, kassa qyzmetkerleriniń kómegimen jalǵan eseptik kassalyq orderlerdi ázirleý arqyly bank depozitterinen aqsha sheship otyrǵan.
«Sottalýshylar «Qazkommertsbank» AQ tabyskerleriniń depozittik shottarynan 242 682 004,89 teńge kóleminde aqsha urlaǵandary úshin qylmystyq jaýapkershilikke tartylǵan. Olardyń qylmystyq áreketterinen 54 adam japa shekken», - delingen habarlamada.
Sot úkimimen olar QR QK 189-babynyń 4-bóligi 2-tarmaǵy, 385-babynyń 2-bóligi, 58-babynyń 3-bóligi boiynsha kináli dep tanylyp, ekeýi 7 jylǵa, al bireýi 4 jylǵa bas bostandyǵynan aiyryldy. Olar ómir boiyna bank salasynda laýazymdyq qyzmet atqarý quqyqtarynan aiyryldy. Sottalǵandar jazasyn qylmystyq atqarý júiesiniń qaýipsizdigi ortasha mekemesinde óteitin boldy. Sot úkimi zańdy kúshine engen joq.
