Almatyda xalyqaralyq konferentsiia ótpek

«Qazqaitajańartý» respýblikalyq memlekettik kásiporny, Ǵylymi-zertteý jáne jobalaý filialy QR Mádeniet jáne sport ministrliginiń tapsyrmasyna sáikes Ǵylymi-restavratsiialaý jáne restavratsiialyq-qalpyna keltirý jumystaryn baǵalaý jáne  normalaryn, jinaǵyn, erejesin, ádisterin ázirleý jáne bekitý jumystaryn oryndaýda. Bul Qazaqstan Respýblikasyndaǵy tuńǵysh mádeniet jáne tarih eskertkishterinde júrgiziletin ǵylymi-restavratsiialaý jumystaryn Normativti baǵalaý bolyp tabylady.

Elimizdegi tarih jáne mádeniet eskertkishteriniń sany jaǵynan TMD elderi arasynda alǵashqy bestikke enetindigimizdi esepke alsaq, olardyń árbirine óz ýaqytymen qaita jańǵyrtý jumystary úshin normativti baǵalaý qujattaryn túzý jaýapkershiligi mol, óte úlken aýqymdy jumys. Qoja Ahmet Iasaýi, Arystan bab, ózge de  álemge áigili, qundylyǵy joǵary tarih jáne mádeniet eskertkishteri elimizde oryn tepken Qazaqstan úshin osyndai aýqymdy is-sharany ótkizý rýhani jańǵyrý jolyndaǵy basty mindet.

Alǵash ret qolǵa alynyp otyrǵan Respýblikalyq mańyzy bar mádeniet jáne tarih eskertkishterine júrgiziletin ǵylymi-restavratsiialaý jumystary jáne normativti baǵalaý qujattarynyń daiyndalý barysynyń alǵashqy konferentsiiasy Almaty qalasynda 2017 jylǵy 15 jeltoqsanda ótkizilgeli otyr. Konferentsiiaǵa Belarýs, Qyrǵyzstan, Ózbekstan, Resei, Tájikstan memleketterinen mamandar shaqyrylýda. Sonymen qatar, Qazaqstan Respýblikasy Mádeniet jáne sport ministrliginen ókilderi jáne qaita jańǵyrtý jumystarymen ainalysatyn el aýmaǵynda ornalasqan «Qazqaitajańartý» RMK, Á. H. Marǵulan atyndaǵy Arheologiia institýty, Q. I. Sátbaev atyndaǵy Qazaq ulttyq tehnikalyq zertteý ýniversiteti, Qazaq qurylys jáne sáýlet Ǵylymi-zertteý jáne jobalaý institýty, «KAZGOR» jobalaý akademiiasy, «Kúmbez» JShS, «Ostrov Kryma» JShS mekemeleriniń ókilderi jáne osy sala mamandary qatysady.         

Konferentsiia aiasynda 14 jeltoqsan kúni  aǵymdaǵy jyly tarih jáne mádeniet eskertkishterin qaita qalpyna keltirý jumystaryna normativti baǵalaý qujattaryn rásimdegen Belarýs memleketi mamandarymen keńesý, pikir almasý ótedi.

Konferentsiia 15 jeltoqsan kúni saǵat 9:00-18:00  aralyǵynda ótedi.

Ótetin orny: «Almaty» qonaq úii, Konferentsiia zal, Qabanbai batyr kóshesi, 85.