Belgili sportshy, Olimpiada oiyndarynyń jeńimpazy, «Tarlan batyrlary» JShS direktory Baqtiiar Artaev QR Parlamenti men máslihat depýtattary sailaýynda daýys berdi, dep habarlaidy QazAqparat.
Sportshy QR Ulttyq mýzeiinde ornalasqan №309 sailaý ýchaskesinde daýys berdi. Atalǵan ýchaskede 2108 turǵyn sailaýshy retinde tirkelgen jáne túski 12-00-ge deiin 500-den astam daýys jinalǵan.
«Búgin men otandastaryma óte rizamyn. Tań atysymen kóptegen turǵyndar belsendi daýys berip jatyr. Qazirgi ýaqytta halyq daýys berýdiń mańyzdy ekenin, el bolashaǵy úshin paidasy zor ekenin jaqsy túsinedi. Men de sailaýdan tys qalmai, óz úlesimdi qosyp, partiialardyń baǵdarlamalarymen tanysa kele óz tańdaýymdy jasadym», - dedi Baqtiiar Artaev tilshilerge bergen suhbatynda.
Sonymen birge, sportshy «Jańa depýtattardyń jumysynan ne kútesiz? Sport salasyndaǵy qandai máseleler sheshilýi kerek?» degen suraqqa jaýap berdi.
«Jańa depýtattar úgit-nasihat kezinde bergen ýádelerinde tursa eken deimin. Olar áleýmettik jaǵdaiy tómen otbasylarǵa kómektesemiz dedi, jaryq pen gaz tartamyz dedi, sondai áleýmettik taqyryptar kóterildi. Sondyqtan, olarǵa tek qana sáttilik tileimin jáne bári sóz kúiinde qalmai, iske assa degen tilegim bar. Jáne Prezident byltyr óńirlerde buqaralyq sportty damytýdy, kásibi sport klýbtarynyń demeýshiler esebinen jumys isteýin tapsyrǵan edi. Osy máseleler biyl sheshiledi degen oidamyn. Sosyn sport keshenderi qoljetimdi bola tússe, máselen elordanyń ózinde balalarǵa tegin sport nysandary joq. Osy máselelerdi qolǵa alyp, balalarǵa kerekti jaǵdai jasalsa, kerekti sport nysandary salynsa, nur ústine nur bolar edi», - deidi Baqtiiar Artaev.
Eske sala ketsek, búgin Qazaqstan aýmaǵynda qurylǵan barlyq sailaý ýchaskesinde daýys berý júrip jatyr.
Depýtattardy sailaý boiynsha daýys berý Qazaqstan Respýblikasy aýmaǵynda jáne odan tysqary jerde qurylǵan 10 060 sailaý ýchaskesinde júrgizilip otyr. Sailaý komissiialary daýys berý orny men ýaqyty týraly der ýaqytynda aqparat berdi. Elorda ýaqytymen saǵat 08.00-de jaǵdai boiynsha elimizdegi 9 994 sailaý ýchaskesinde jáne shet memleketterdegi qazaqstan ókildikteri janyndaǵy 17 sailaý ýchaskesinde daýys berý bastaldy.
Konstitýtsiialyq merzimge sai ótip jatqan Májilis sailaýyna elimizde tirkelgen 5 saiasi partiia, atap aitqanda, «Aýyl» halyqtyq-demokratiialyq patriottyq partiiasy, «Nur Otan» partiiasy, «ADAL» saiasi partiiasy, Qazaqstannyń «Aq jol» demokratiialyq partiiasy, «Qazaqstannyń Halyq partiiasy» depýtattyq mandattan úmitti.
Bul partiialar barlyq deńgeidegi jergilikti máslihattarǵa da óz kandidattaryn usynǵan. Májiliske 5 partiiadan barlyǵy 312 kandidat, onyń ishinde: «Aýyl» halyqtyq-demokratiialyq patriottyq partiiasynan 19; «Nur Otan» partiiasynan 126; «ADAL» saiasi partiiasynan 16; Qazaqstannyń «Aq jol» demokratiialyq partiiasynan 38 jáne «Qazaqstannyń Halyq partiiasynan» 113 adam bar. Al jergilikti máslihattarǵa 832, onyń ishinde «Aýyl» HDPP-nan – 158, «Nur Otan» partiiasynan - 216, «ADAL» SP-nan – 215, «Aq jol» QDP-nan – 174, «Qazaqstan Halyq partiiasynan» 69 partiialyq tizim tirkeldi.
