QR Parlamenti Májilisi men máslihattar depýtattaryna daýys berý barysynda qoǵamdyq tártipti buzý faktileri tirkelgen joq. Bul týraly QR Ishki ister ministriniń orynbasary Arystanǵani Zaparov aitty, dep habarlaidy "Ult aqparat".
«Sailaý týraly» Zańnyń 39-babyna sáikes, politsiia qyzmetkerleriniń sailaý protsesine aralasýyna, sondai-aq daýys berýge arnalǵan ǵimarattardyń ishinde bolýyna quqyqy joq. Olar tek komissiia tóraǵasy shaqyrǵan jaǵdaida ǵana tártipsizdiktiń jolyn kesý úshin ǵana sailaý ýchaskesine kire alady», - dedi Arystanǵani Zaparov Ortalyq kommýnikatsiialar qyzmetindegi brifing barysynda.
Onyń atap ótýinshe, ázirshe sailaý ýchaskeleriniń tóraǵalarynan politseilerge mundai ótinish túsken joq.
Jalpy, qazirgi ýaqytta elimizdegi jáne sailaý ýchaskelerindegi jaǵdai turaqty. Qoǵamdyq tártipti buzý faktileri tirkelgen joq. Jaǵdai ishki ister organdarynyń udaiy baqylaýynda», - dedi ministrdiń orynbasary.
