Almaty oblysynyń ákimi Amandyq Batalov feisbýk paraqshasynda koronavirýs infektsiiasynyń taralýyna qarsy kúres jumystary bosańsyp qalǵanyn jazdy.
- Sońǵy kezde birqatar aýdan, qala ákimderi koronavirýs infektsiiasynyń taralýyna qarsy kúres jumystaryn bosańsytyp aldy. Árine, oǵan keibir oblystyq baqylaýshy qurylymdar basshylarynyń syrqattanýy siiaqty obektivti sebeptermen qatar basqa da faktorlar áser etkeni belgili. Sonymen qatar belgisiz sebeptermen operativti shtabtyń jumysy toqtap qalǵan, biraq eń bastysy - infektsiialyq jáne provizorlyq bólimderdiń jumys algoritmi buzylǵan. Jekelegen jaǵdailarda koronavirýspen aýyrǵan azamattarmen bailanysta bolǵan, "qyzyl aimaqta" sanalatyn meditsina mamandary qoǵamdyq kólikpen qatynap, otbasy ortasyna oralyp júrgen, - degen oblys basshysy mundai jaǵdailar Taldyqorǵan, Tekeli qalalary men keibir aýdandarda oryn alǵanyn aitty. - Bul eń aldymen jergilikti jerlerdegi ákimderdiń, densaýlyq saqtaý basqarmasy basshylyǵynyń olqylyǵy, meditsina mekemeleri bas dárigerleriniń sanitarlyq normalardy óreskel buzýǵa jol bergeniniń saldary.
Amandyq Ǵabbasuly osyndai kemshilikter qaýipti indettiń jyldam taraýyna sebep bolǵanyn jazdy.
- Osynyń barlyǵy jáne basqa da faktorlar, ásirese, Taldyqorǵan men Tekeli qalalarynda indettiń jyldam artýyna sebep boldy, bul qalalarda koronavirýstyń ósimi səikesinshe 11-12% qurap otyr. Sondyqtan barlyq aýdan, qala ákimderine halyq arasynda virýstyń odan ári taralýyna jol bermeýdiń tiisti sharalaryn qabyldaýdy, oblys turǵyndaryna tiisti deńgeide em jasaýdy uiymdastyrý, statsionarlardy qajetti tósek sanymen, medikamenttermen, barlyq qajetti qural-jabdyqtarmen, sonyń ishinde ÓJJ apparattarymen qamtý tapsyryldy. Qysqa merzim ishinde halyq úshin PTsR taldaý jasaityn taǵy birneshe qosymsha zerthanalar ashý júkteldi. Osy jumystardyń barlyǵyn tez arada bastaýdy, onyń nátijeleri týraly jedel shtabty kúndelikti habardar etip otyrýdy tapsyrdym. Mundai sharalardy qabyldaýǵa qajetti barlyq máseleler sheshilgen, oblystyq biýdjet qaita qaralyp, barlyq qajetsiz baǵdarlamalar qysqartylyp, muqtaj adamdarǵa meditsinalyq kómek kórsetýge jáne meditsina mamandaryn qoldaýǵa qajetti kólemde qarjy bólindi. Jalpy koronavirýspen kúres sharalarynyń ózine ǵana jergilikti biýdjetten 5 mlrd. teńgege jýyq qarjy bólindi, - dedi aimaq basshysy.
Sóz sońynda oblys ákimi: "Osy rette qazirgi aýyr kezeńde syrqattarǵa, meditsina mamandaryna qaitarymsyz, shyn peiilmen azyq-túlik, dəri-dərmek, qural-jabdyq jəne basqa da qajettilikter əkelip berip, qoldaý kórsetken barsha jandarǵa shyn júrekten alǵysymdy aitamyn. Rahmet sizderge! Qurmetti jerlester, karantin talaptaryn qatań saqtap, óz densaýlyqtaryńyz ben jaqyndaryńyzdyń densaýlyǵyna jaýapty qarańyzdar. Qazirgi kezde kóp nárse ózimizdiń sanaly əreketimizge bailanysty. Ózderińizge, jaqyndaryńyzǵa janashyr bolyńyzdar!", - dedi.
