sýret ashyq derekkózden alyndy
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin ekinshi deńgeidegi bankter arqyly shetel azamattaryna jeke sáikestendirý nómirin (JSN) berý máselesine qatysty túsinik berdi, dep habarlaidy QazAqparat agenttigi.
Atap aitqanda, osy taqyryp boiynsha maýsym aiynda Májilis depýtattary atalǵan ministrlikke saýal joldaǵan.
Óz jaýabynda Mýsin 2022 jylǵy úshinshi toqsannyń aiaǵynda JSN alýǵa ótinim bergen Resei Federatsiiasy azamattarynyń sany eleýli túrde óskenin habarlady.
Máselen, 2021 jyly 172 449 ótinish tússe, onyń ishinde 14 791-i nemese 8,6% Resei azamattaryna tiesili. 2022 jyly 451 314 ótinish bolsa, sonyń 280 983-i nemese 59,7% Resei azamattary. Al 2023 jyly 142 581 ótinish tirkelip, onyń ishinde 109 852-si nemese 61,8% Resei azamattarynan kelip tústi.
«Osy oraida júktemeni azaitý úshin ýákiletti organ IIM Kóshi-qon qyzmeti komitetiniń kelisimi boiynsha ekinshi deńgeidegi bankter arqyly JSN berý jónindegi ýaqytsha sheshim jasaldy. Qazirgi kezde ekinshi deńgeidegi bankter arqyly shetel azamattaryna JSN berý jónindegi qyzmet túri atqarylmaidy», - dedi ministr.
Onyń aitýynsha, bank filialdary arqyly atalǵan kezeńde 5 680 ótinish qabyldanyp, 4 521 JSN berilgen. Sonymen qatar, bankter sheteldik azamattarǵa JSN berý nemese odan bas tartý týraly sheshimdi ózderi qabyldaǵan joq. Memlekettik korporatsiianyń derekteri boiynsha qujattardy qabyldaý boiynsha talaptardy buzý faktileri anyqtalmady.
«Bul rette JSN-niń bar-joǵyna qaramastan, shetel azamatyn sáikestendirý onyń ulttyq pasporty nemese zańnamada belgilengen ózge de qujat negizinde júzege asyrylýy tiis. Iaǵni, bank kartochkasyn alǵan kezde, bank qyzmetkeri klientti jeke basyn kýálandyratyn qujattar boiynsha sáikestendiredi», - dedi Baǵdat Mýsin.
Budan bólek, atalǵan depýtattyq saýalǵa bergen jaýabynda Sybailas jemqorlyqqa qarsy is-qimyl agenttiginiń tóraǵasy Ashat Jumaǵali shetel azamattaryna JSN berý memlekettik qyzmet sanatyna jatatynyn jáne ony berý tártibi tiisti Qaǵidamen reglamenttelgen eske saldy.
«Ekinshi deńgeidegi bankterdiń shetel azamattaryna JSN berýi Qaǵidalarda eskerilmegen», - dedi agenttik basshysy.
