سۋرەت اشىق دەرەككٶزدەن الىندى
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ەكٸنشٸ دەڭگەيدەگٸ بانكتەر ارقىلى شەتەل ازاماتتارىنا جەكە سەيكەستەندٸرۋ نٶمٸرٸن (جسن) بەرۋ مەسەلەسٸنە قاتىستى تٷسٸنٸك بەردٸ, دەپ حابارلايدى قازاقپارات اگەنتتٸگٸ.
اتاپ ايتقاندا, وسى تاقىرىپ بويىنشا ماۋسىم ايىندا مەجٸلٸس دەپۋتاتتارى اتالعان مينيسترلٸككە ساۋال جولداعان.
ٶز جاۋابىندا مۋسين 2022 جىلعى ٷشٸنشٸ توقساننىڭ اياعىندا جسن الۋعا ٶتٸنٸم بەرگەن رەسەي فەدەراتسيياسى ازاماتتارىنىڭ سانى ەلەۋلٸ تٷردە ٶسكەنٸن حابارلادى.
مەسەلەن, 2021 جىلى 172 449 ٶتٸنٸش تٷسسە, ونىڭ ٸشٸندە 14 791-ٸ نەمەسە 8,6% رەسەي ازاماتتارىنا تيەسٸلٸ. 2022 جىلى 451 314 ٶتٸنٸش بولسا, سونىڭ 280 983-ٸ نەمەسە 59,7% رەسەي ازاماتتارى. ال 2023 جىلى 142 581 ٶتٸنٸش تٸركەلٸپ, ونىڭ ٸشٸندە 109 852-سٸ نەمەسە 61,8% رەسەي ازاماتتارىنان كەلٸپ تٷستٸ.
«وسى ورايدا جٷكتەمەنٸ ازايتۋ ٷشٸن ۋەكٸلەتتٸ ورگان ٸٸم كٶشٸ-قون قىزمەتٸ كوميتەتٸنٸڭ كەلٸسٸمٸ بويىنشا ەكٸنشٸ دەڭگەيدەگٸ بانكتەر ارقىلى جسن بەرۋ جٶنٸندەگٸ ۋاقىتشا شەشٸم جاسالدى. قازٸرگٸ كەزدە ەكٸنشٸ دەڭگەيدەگٸ بانكتەر ارقىلى شەتەل ازاماتتارىنا جسن بەرۋ جٶنٸندەگٸ قىزمەت تٷرٸ اتقارىلمايدى», - دەدٸ مينيستر.
ونىڭ ايتۋىنشا, بانك فيليالدارى ارقىلى اتالعان كەزەڭدە 5 680 ٶتٸنٸش قابىلدانىپ, 4 521 جسن بەرٸلگەن. سونىمەن قاتار, بانكتەر شەتەلدٸك ازاماتتارعا جسن بەرۋ نەمەسە ودان باس تارتۋ تۋرالى شەشٸمدٸ ٶزدەرٸ قابىلداعان جوق. مەملەكەتتٸك كورپوراتسييانىڭ دەرەكتەرٸ بويىنشا قۇجاتتاردى قابىلداۋ بويىنشا تالاپتاردى بۇزۋ فاكتٸلەرٸ انىقتالمادى.
«بۇل رەتتە جسن-نٸڭ بار-جوعىنا قاراماستان, شەتەل ازاماتىن سەيكەستەندٸرۋ ونىڭ ۇلتتىق پاسپورتى نەمەسە زاڭنامادا بەلگٸلەنگەن ٶزگە دە قۇجات نەگٸزٸندە جٷزەگە اسىرىلۋى تيٸس. ياعني, بانك كارتوچكاسىن العان كەزدە, بانك قىزمەتكەرٸ كليەنتتٸ جەكە باسىن كۋەلاندىراتىن قۇجاتتار بويىنشا سەيكەستەندٸرەدٸ», - دەدٸ باعدات مۋسين.
بۇدان بٶلەك, اتالعان دەپۋتاتتىق ساۋالعا بەرگەن جاۋابىندا سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اسحات جۇماعالي شەتەل ازاماتتارىنا جسن بەرۋ مەملەكەتتٸك قىزمەت ساناتىنا جاتاتىنىن جەنە ونى بەرۋ تەرتٸبٸ تيٸستٸ قاعيدامەن رەگلامەنتتەلگەن ەسكە سالدى.
«ەكٸنشٸ دەڭگەيدەگٸ بانكتەردٸڭ شەتەل ازاماتتارىنا جسن بەرۋٸ قاعيدالاردا ەسكەرٸلمەگەن», - دەدٸ اگەنتتٸك باسشىسى.
