Mádeniet jáne sport ministri Aqtoty Raiymqulova «Qajymuqan» filmi nege áli kórsetilmei jatqanyn túsindirdi, dep habarlaidy QazAqparat.
«Qajymuqan Muńaitpasuly týraly buǵan deiin túsirilgen filmderde orys palýany Ivan Poddýbnyimen kúresken sátteri burmalanyp, tarihi shyndyqqa qiianat jasalyp keldi. Sonyń ornyn qashan toltyramyz?», - degen suraq qoiyldy ortalyq kommýnikatsiialar qyzmetinde ótken brifingide.
Mádeniet jáne sport ministri Aqtoty Raiymqulovanyń aitýynsha, biyl jaryqqa shyǵýy josparlanǵan jańa filmde balýannyń ómirin sipattaityn birshama oqiǵa qamtylǵan.
«2021 jyly Qajymuqan Muńatpasulynyń mereitoiy ekenin osydan eki jyl buryn bilgenbiz. «Qazaqfilm» arqyly balýan týraly film túsirý jumystaryn bastap, stsenariin jazǵyzdy. Kino eki jyl boiy túsirildi. Filmniń túsirilimi aiaqtaldy. Qazir montajdaý jumystary júrip jatyr. Biyl jyldyń sońyna deiin kórseteiik dep edik, kishkene úlgermei jatyr. Ózi týǵan Aqmola oblysynyń jerinen búkil jer sharyn aralap, úlken jetistikterge jetkenin kórsettik. Sonymen qatar, ózińiz aitqandai, ómiriniń sońynda Ulty Otan soǵysy kezinde óziniń qarjysynyń bárin berip, óziniń atyndaǵy ushaqty jasaǵanǵa deiingi taǵdyrynyń belesterin bárin kórsettik. Meniń oiymsha film jaqsy shyǵýy kerek», - dedi Aqtoty Raiymqulova.
Ministrdiń orynbasary Nurqisa Dáýeshovtiń aitýynsha, jańa týynda, túzelip-kúzelip baryp, kelesi jyly kórermenge jol tartpaq.
«Kino bitti. Qanaǵat Mustafin degen jas rejiserimiz jasap shyqty. Qazirgi tańda muny arnaiy zań boiynsha Ulttyq kinony qoldaý ortalyǵyndaǵy saraptamalyq komissiiaǵa ótkizdik. Olar qazir qabyldap jatyr. Kino degen shyǵarmashylyq dúnie. Sondyqtan da keibir jetpeitin jerlerin montajdaý jumystary, basqa da máseleleri bolady. Aldaǵy jyly onyń sapaly bolyp shyǵýy úshin ministrlik tarapynan da úlken qadaǵalaý jasaimyz», - dedi vitse-ministr.
