Qazaqstandyq qajylyq etýshiler mingen alǵashqy reis Saýd Arabiiasyna baryp qondy, dep habarlaidy "Ult aqparat" QR Azamattyq aviatsiia komitetine silteme jasap.
Qajylyq paryzyn óteitin qazaqstandyqtar Saýd Arabiiasyna 9-15 tamyz aralyǵynda baryp, 1 qyrkúiekke deiin elge oralady.
«Biyl qajylyqqa niet bildirgen qazaqstandyqtardy Saýd Arabiiasyna tasymaldaý úshin «SCAT» áýe kompaniiasynyń jeti reisi josparlanǵan. «Shymkent-Djidda» baǵytyndaǵy DV 5073 reisi Boing 737-700 ushaǵymen jergilikti ýaqyt boiynsha saǵat 06.44-te ushyp ketti. Bort ishinde 149 qazaqstandyq boldy. Ushaq Astana ýaqytymen saǵat 11:15-te Djidda áýejaiyna qondy. Keri qaitarda bul qajylar 27 tamyz kúni Medinadan Shymkentke ushady», - delingen Azamattyq aviatsiia komitetiniń resmi habarlamasynda.
Komitettiń habarlaýynsha, qajylyq etýshilerdi tasymaldaý boiynsha «SCAT» áýe kompaniiasynyń kelesi «Almaty-Djidda» reisi búgin jergilikti ýaqytpen saǵat 18:00-ge josparlanǵan. Ekinshi reistiń jolaýshylary 30 tamyz kúni Medinadan Almatyǵa jetkiziledi.
Aita keteiik, biyl Saýd Arabiiasyna qajylyqqa 3000 qazaqstandyq attanady. Qazaqstandyq qajylardy 18 kompaniia aparady. Ótinish bergenderdiń qataryna 16-89 jas aralyǵyndaǵy azamattar bar. Kámeletke tolmaǵandar ata-analarymen birge barady.
