قازاقستاندىق قاجىلىق ەتۋشٸلەر مٸنگەن العاشقى رەيس ساۋد ارابيياسىنا بارىپ قوندى, دەپ حابارلايدى "ۇلت اقپارات" قر ازاماتتىق اۆياتسييا كوميتەتٸنە سٸلتەمە جاساپ.
قاجىلىق پارىزىن ٶتەيتٸن قازاقستاندىقتار ساۋد ارابيياسىنا 9-15 تامىز ارالىعىندا بارىپ, 1 قىركٷيەككە دەيٸن ەلگە ورالادى.
«بيىل قاجىلىققا نيەت بٸلدٸرگەن قازاقستاندىقتاردى ساۋد ارابيياسىنا تاسىمالداۋ ٷشٸن «SCAT» ەۋە كومپانيياسىنىڭ جەتٸ رەيسٸ جوسپارلانعان. «شىمكەنت-دجيددا» باعىتىنداعى DV 5073 رەيسٸ بوينگ 737-700 ۇشاعىمەن جەرگٸلٸكتٸ ۋاقىت بويىنشا ساعات 06.44-تە ۇشىپ كەتتٸ. بورت ٸشٸندە 149 قازاقستاندىق بولدى. ۇشاق استانا ۋاقىتىمەن ساعات 11:15-تە دجيددا ەۋەجايىنا قوندى. كەرٸ قايتاردا بۇل قاجىلار 27 تامىز كٷنٸ مەدينادان شىمكەنتكە ۇشادى», - دەلٸنگەن ازاماتتىق اۆياتسييا كوميتەتٸنٸڭ رەسمي حابارلاماسىندا.
كوميتەتتٸڭ حابارلاۋىنشا, قاجىلىق ەتۋشٸلەردٸ تاسىمالداۋ بويىنشا «SCAT» ەۋە كومپانيياسىنىڭ كەلەسٸ «الماتى-دجيددا» رەيسٸ بٷگٸن جەرگٸلٸكتٸ ۋاقىتپەن ساعات 18:00-گە جوسپارلانعان. ەكٸنشٸ رەيستٸڭ جولاۋشىلارى 30 تامىز كٷنٸ مەدينادان الماتىعا جەتكٸزٸلەدٸ.
ايتا كەتەيٸك, بيىل ساۋد ارابيياسىنا قاجىلىققا 3000 قازاقستاندىق اتتانادى. قازاقستاندىق قاجىلاردى 18 كومپانييا اپارادى. ٶتٸنٸش بەرگەندەردٸڭ قاتارىنا 16-89 جاس ارالىعىنداعى ازاماتتار بار. كەمەلەتكە تولماعاندار اتا-انالارىمەن بٸرگە بارادى.
