Nur-Sultan qalasynyń qoǵamdyq densaýlyq saqtaý baǵdarlamasy koronavirýs infektsiiasyn juqtyrǵandar kóbeigen jaǵdaida aýrahanalarda qosymsha tósek-oryn ázirleidi. Bul týraly basqarma basshysy Sáýle Qisyqova aityp berdi, dep habarlaidy QazAqparat.
«Jaiaý júrginshi joldary, aialdamalar, bazarlar – barlyq jerde dezinfektsiialyq rejim kúsheitilip, qolǵa jaǵatyn suiyqtyqtar qoiylýda. Qalamyzda dezinfektsiialyq quraldar jetkilikti kólemde bar», - dedi basqarma basshysy «Habar 24» telearnasynda ótken brifingte.
Onyń aitýynsha, barlyq meditsinalyq nysandarda karantin jariialanyp, azamattarǵa meditsinalyq maska taǵý mindettelgen.
«Koronavirýs infektsiiasyn juqtyrǵan nemese JRVI, ókpe qabyný belgilerimen túsken naýqastarǵa meditsinalyq kómek kórsetý úshin jetkilikti kólemde tósek-oryn jabdyqtaldy. Qajet bolǵan jaǵdaida, qosymsha tósek-oryn bólip, statsionarlar uiymdastyrýǵa daiynbyz», - dedi S. Qisyqova.
Sonymen birge, spiker koronavirýstyq infektsiia anyqtalǵan jaǵdaida júrgiziletin sharalar týraly aityp berdi.
«Naýqas pen onyń otbasy, bir aýmaqta turǵandar jáne jumys babymen jaqyn bailanysqan adamdar birden oqshaýlanyp, aýrýhanaǵa jatqyzylady», - dedi Sáýle Qisyqova.
Aita keteiik, Qazaqstan Respýblikasy aýmaǵynda koronavirýs infektsiiasyn juqtyrǵan jalpy 109 naýqas tirkeldi.
Nur-Sultan qalasynda 61 adamda koronovirýs infektsiiasy anyqtaldy. Almaty qalasynda - 40 adam, Shymkent qalasynda – 2 adam, Qaraǵandy qalasynda - 2, Almaty, Aqtóbe, Jambyl, Soltústik Qazaqstan oblystarynda – 1 adamnan tirkelgen.
Buǵan deiin basqarma basshysy Nur-Sultanda tórt naýqastyń jaǵdaiy aýyr ekenin málimdegen bolatyn.
