Búgin QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda 2018 jyldyń sý tasqyny kezeńine daiyndyq týraly QR energetika ministri Qanat Bozymbaev baiandady, dep habarlaidy "Ult aqparat".
Óz baiandamasynda Qanat Bozymbaev jedel gidrometeorologiialyq aqparatpen qamtamasyz etý úshin «Qazgidromet» RMK 310 gidrologiialyq beketti, 339 meteorologiialyq stantsiialar men beketti, sondai-aq eki qar kóshkini stantsiiasyn qamtityn memlekettik baqylaý jelisinde baqylaý júrgizetinin aityp ótti.
Sý obektilerinde shuǵyl ózgeris týyndaǵan jaǵdaida barlyq gidrologiialyq beketter ár tórt saǵat saiynǵy jiiletilgen baqylaýǵa aýysady.
Budan ózge, apatty gidrologiialyq qubylystar týyndaǵan jaǵdailarda QR IIM Tótenshe jaǵdailar komitetine, QR AShM Sý resýrstary komitetine jáne jergilikti atqarýshy organdarǵa eskertýdi jetkizý shemasy jumys isteidi.
Úlken boljamdardyń esepterinde esepke alynbaǵan qar qory bar jyralardaǵy ylǵaldylyq qoryn anyqtaý úshin «Qazgidromet» filialdary jáne aimaqtyq tótenshe jaǵdailar departamenti mamandarymen birlesip negizgi jazyq ózenderdiń barlyq alaptarynda qar-batpaqta júrgishpen ekspeditsiialyq marshrýttyq ainalymdar júrgiziledi.
«Qazgidromettiń» sý tasqyny kezeńindegi negizgi gidrologiialyq boljamdary múddeli memlekettik organdar men oblys ákimdikterine 2018 jyldyń 1 naýryzynan bastap apta saiyn ár úsh kún saiynǵy naqtylaýmen jeti kún aldyn ala usynylatyn bolady», — dep habarlady Qanat Bozymbaev.
Sondai-aq, energetika ministri «Sý tasqyny qaterleriniń aldyn alý jáne joiý jónindegi 2017-2020 jyldarǵa arnalǵan sharalar kesheni» jol kartasy sheńberinde jumys júrgizilip jatqanyn aitty.
2017 jyldaǵy jáne 2018 jylǵy 1 aqpandaǵy jai-kúi boiynsha ózender alaptaryndaǵy ylǵal qorynyń jinalýy týraly anyqtamalyq-konsýltatsiialar múddeli memlekettik organdarǵa ýaqytyly jiberildi.
«Jalpy jinalǵan ylǵal qoryn taldaý, topyraq tońdanýynyń tereńdigi jáne sý qoimalarynyń 70-90%-ǵa tolýy kórsetkendei, birden kóktem shyqqan jaǵdaida Qaraǵandy, Soltústik Qazaqstan jáne Aqmola oblystaryndaǵy eldi mekenderdi, infraqurylym nysandaryn sý basý qaýpi bolýy múmkin», — dep málimdedi Qanat Bozymbaev.
Energetika ministri baiandamasyn aiaqtaǵan soń QR Premer-Ministri Baqytjan Saǵyntaev Qanat Bozymbaevqa jergilikti organdardyń sý tasqyny qaýpiniń aldyn alý boiynsha birqatar qajetti sharalardy qabyldamaýyna sebep bolýy múmkin Qazgidromet boljamdarynyń ýaqyttylylyǵyn qamtamasyz etý boiynsha suraq qoidy.
«Boljam jasaý júiesi ózgerdi. Eger buryn úsh ai alǵa gidrologiialyq boljam jasasaq, endi 1 naýryzdan bastap jańa júie – jeti kúndik aldyn ala boljamǵa kóshemiz. Onyń yqtimaldyǵy – 90%-dan asady. Ár úsh kún saiyn túzetý jasalady. Iaǵni barlyq memlekettik organdar klimattyq jáne basqa da ózgerister týraly aqparatty úlken yqtimaldylyqpen alyp otyrady», — dep jaýap berdi Qanat Bozymbaev.
Sondai-aq, onyń aitýynsha, boljam jasaý kezinde jańa tásilder qoldanylady: matematikalyq úlgiler, radarlardyń kómegimen zertteýler.
Osy rette Úkimet basshysy ministrden: «Aǵymdaǵy jyly tosyn jaittar bolsa, eshkim de «Qazgirometke» siltei almaidy ǵoi?», - dep surady.
«Baqytjan Ábiruly, bilmeimin. Bizdiń qyzmetterdiń sinoptikterge silteý baǵdysy ár ýaqytta da bolǵan. Sondyqtan olar úshin men jaýap bere almaimyn. Biraq, «Qazgidromet» 90 paiyzdan astam dáldikpen boljam beretindigi anyq», - dedi ol.
