«Qazgidromet» RMK tamyzdyń 29-31 kúnderi aralyǵyndaǵy aýa raiy boljamyn jariialady, dep habarlaidy "Ult aqparat".
Kásiporyn taratqan málimetterge qaraǵanda, aldaǵy merekede kún jyly bolǵaly tur. Respýblikanyń basym bóliginde kún raiynyń jaily bolýyna shýaqty antitsiklon yqpal etpek.
«Elimizdiń batysy men ońtústik-shyǵysynda atmosferalyq aǵyndardyń ótýine bailanysty aýa raiy qubylmaly bolady. Kei jerlerde naizaǵai oinap, jel kúsheiip, jańbyr jaýady, burshaq túsýi yqtimal. Biraq jaýyn-shashynǵa qaramastan, bul aimaqtardaǵy aýa temperatýrasy + 25 ... 33 shamasynda bolady», - delingen habarlamada.
