«قازگيدرومەت» رمك تامىزدىڭ 29-31 كٷندەرٸ ارالىعىنداعى اۋا رايى بولجامىن جارييالادى, دەپ حابارلايدى "ۇلت اقپارات".
كەسٸپورىن تاراتقان مەلٸمەتتەرگە قاراعاندا, الداعى مەرەكەدە كٷن جىلى بولعالى تۇر. رەسپۋبليكانىڭ باسىم بٶلٸگٸندە كٷن رايىنىڭ جايلى بولۋىنا شۋاقتى انتيتسيكلون ىقپال ەتپەك.
«ەلٸمٸزدٸڭ باتىسى مەن وڭتٷستٸك-شىعىسىندا اتموسفەرالىق اعىنداردىڭ ٶتۋٸنە بايلانىستى اۋا رايى قۇبىلمالى بولادى. كەي جەرلەردە نايزاعاي ويناپ, جەل كٷشەيٸپ, جاڭبىر جاۋادى, بۇرشاق تٷسۋٸ ىقتيمال. بٸراق جاۋىن-شاشىنعا قاراماستان, بۇل ايماقتارداعى اۋا تەمپەراتۋراسى + 25 ... 33 شاماسىندا بولادى», - دەلٸنگەن حابارلامادا.
