«Qazgidromet» RMK 21 qazanda aýa raiynyń buzylýyna bailanysty birneshe óńirde eskertý jariialady, dep habarlaidy "Ult aqparat".
Atap aitqanda, Atyraý oblysynyń túnde kei jerlerinde, kúndiz basym bóliginde soltústik-batystan jel soǵady, kúshi – 15-20 m/s.
Kúndiz Túrkistan oblysynyń kei jerlerinde ońtústik-shyǵystan soǵatyn jel ońtústik-batys baǵytyna aýysyp, ekpini 15-20 m/s artady.
Qostanai oblysynyń kei jerlerinde tuman kútiledi. Túnde jáne tańerteń kóktaiǵaq boljanady. Ońtústik-batystan soǵatyn jel soltústik-batysqa aýysyp, jyldamdyǵy 15-20 m/s jetedi.
Batys Qazaqstan oblysynyń kei jerlerinde tuman, kóktaiǵaq bolady. Batystan, soltústik-batystan soǵatyn jeldiń kúshi kúndiz 15-20 m/s artady.
Kúndiz Mańǵystaý oblysynyń kei jerlerinde soltústikten, soltústik-batystan jel soǵady, kúshi 15-20 m/s kúsheiedi.
Kúndiz Aqmola oblysynda ońtústik-batystan soqqan jel soltústik-batysqa aýysady, kei jerlerde kúshi 15-20 m/s jetedi.
Kúndiz Soltústik Qazaqstan oblysynda ońtústik-batystan soǵatyn jel soltústik-batysqa aýysyp, ekpini 15-20 m/s artady.
21, 22 qazan kúnderi táýlik boiy Jambyl oblysynda soltústik-shyǵystan soǵatyn jel ońtústik-batysqa aýysyp, ekpini 23-28 m/s kúsheiedi.
