Keshe shtattyq tártippen Baiqońyr ǵarysh ailaǵynan ushqan «Soiýz 2.1a» zymyran tasyǵyshynyń bólingen bólshekteri qulaýy saldarynan óńirde tótenshe jaǵdai boldy, dep habarlaidy Ult.kz tilshisi QazAqparat agenttigine silteme jasap.
Baiqońyr ǵarysh ailaǵy jumysyna jetekshilik etetin QR qorǵanys jáne aeroǵarysh ónerkásibi ministrligi Aeroǵarysh komiteti tóraǵasynyń orynbasary Ǵalymjan Danbaevtyń málimdeýinshe, zymyran tasyǵyshynyń bólingen bólshekteri (BB) belgilengen jerge qulaǵan.
«Zymyran tasyǵyshynyń bólingen bólshekteri jumystaryna jaýapkershilikti reseilik «Mashina jasaý ǴÓB» kásiporyny óz moinyna alady, paidalaný ortalyqtary Jezqazǵanǵa ornalastyrylady», - deidi Danbaev.
Onyń aitýynsha, Zymyrannyń bólingen bólshekteri aldyn ala belgilengen jerge qulady. «Soiýzdyń» janama bólshegi jerge qyzyp turǵan kúide túsken, qatty jel turýy jazyqta órt tutanýyna sebep boldy.
