QR Indýstriia jáne infraqurylymdyq damý ministrligi jol qurylysy salasyndaǵy alaiaqtyq faktilerine bailanysty halyqqa eskertý jasady, dep habarlaidy "Ult aqparat".
«Ókinishke qarai, búgingi tańda azamattar jol-qurylys salasynda jii alaiaqtyq qurbany bolyp júr. Ózin «QazAvtoJol» UK» AQ qyzmetkerimin dep tanystyratyn kei adamdar senimge kirip, jol qurylysy salasynda belgili bir jumystar usynady eken. Osyǵan orai «QazAvtoJol» UK« AQ barsha azamattardy abai bolýǵa shaqyrady. Ondai adamdar paida tabý úshin kompaniianyń qupiia aqparatyn zańsyz qoldanýǵa áreket etedi. Eger siz osyndai jaǵdaiǵa tap bolsańyz, www.qazavtojol.kz resmi saitynda «Bailanys» tarmaǵyndaǵy bailanys nómirlerine habarlasyńyz» dep eskertedi ministrlikten.
Respýblikalyq mańyzy bar avtojoldardaǵy barlyq qurylys jumystary, habarlandyrýlar, ótinish berý úlgileri korporativtik saitta jariialanǵan. Sondai-aq, QazAvtoJol-dyń facebook/instagram/telegram áleýmettik jelilerindegi resmi paraqshalarynda qajetti mamandar, tehnika men merdiger uiymdar týraly habarlandyrýlar kúndelikti jańartylyp otyrady.
«Barlyq suraqtar boiynsha kez kelgen ýaqytta kompaniianyń resmi paraqshalaryna nemese 1403 nómirindegi bailanys ortalyǵyna habarlasýlaryńyzǵa bolady. Bailanys ortalyqtyń operatorlary respýblikalyq mańyzy bar avtojoldar týraly barlyq suraqtarǵa jaýap berip, qajet bolsa tótenshe qyzmet jáne jol politsiiasymen bailanystyrady. Sonymen qatar, egov.kz saityndaǵy «Ashyq úkimet» bóliminde UK «AQ «QazAvtoJol» basshysynyń jeke blogyna onlain rejimde habarlasýǵa da bolady» delingen habarlamada.
