«QazAvtoJol» UK» AQ Qazaqstannyń respýblikalyq atomobil joldaryndaǵy servistik qyzmet kórsetý oryndaryn izdeýge arnalǵan «Kazway» mobildik qosymshasyn iske qosty, dep habarlaidy "Ult aqparat" kompaniia baspasóz qyzmetine silteme jasap.
«Kazway mobildik qosymshasynda jol boiyndaǵy 1800 servis beketi, atap aitqanda, janarmai beketteri, motel, tamaqtaný, bólshek saýda oryndary, avtoturaqtar, evakýator, t.b. týraly málimetter bar», - delingen habarlamada.
Budan tys, Qazaqstan qalalarynyń ara qashyqtyǵyn esepteý fýnktsiiasy da bar.
Bir aita keterligi, paidalanýshy júretin baǵytyn engizip, «Servisti tabý» pernesine bassa bolǵany, jol boiyndaǵy búkil servistik qyzmet kórsetý oryndary qatar túzep tura qalady.
Offlain rejimde jumys isteitin qosymsha IOS júiesin qoldanatyn mobildik qosymshalar úshin qoljetimdi. Qazirgi ýaqytta Android nusqasyn iske qosý boiynsha jumystar júrip jatyr.
