"QazAvtoJol" UK" AQ Basqarma tóraǵasy buiryǵymen Basqarma tóraǵasynyń orynbasary laýazymyna Baýyrjan Bishenov taǵaiyndaldy, - dep habarlaidy "Ult aqparat" kompaniianyń baspasóz qyzmetine silteme jasap.
Ol bul qyzmette Talǵat Adýovtyń ornyna keldi.
Adýov Talǵat Múbarakuly, 2016-2017 jyldar aralyǵynda "QazAvtoJol" UK" AQ Basqarma tóraǵasynyń orynbasary qyzmetin atqarǵan, búginde QR premer-ministr Keńsesi Basshysynyń orynbasary qyzmetine aýysýda. Memlekettik qyzmette kóp jyldyq eńbek ótili bar.
2002 jyly Qazaqstan Respýblikasynyń Syrtqy ister ministirliginiń Investitsiia komitetiniń investitsiialyq jobalardy baqylaý bóliminiń úshinshi hatshysy. 2006 jyldan bastap Qazaqstan Respýblikasy Syrtqy ister ministrliginiń Halyqaralyq uiymdar jáne kóp jaqty yntymaqtastyq departamentiniń bólim basshysy, keńesshisi, birinshi hatshysy.
2007-2015 jyldary Qazaqstan Respýblikasy Prezidentiniń Protokoly Bastyǵynyń orynbasary, sarapshysy, aǵa keńesshisi, keńesshi qyzmetterin atqarǵan.
2015 jyly Qazaqstan Respýblikasy Prezidenti Ákimshiliginiń memlekettik baqylaý jáne uiymdastyrý jumystary bóliminiń memlekettik inspektory laýazymyn atqardy. 2016 jyldyń tamyz aiynan bastap 2017 jyldyń qyrkúiek aiyna deiin "QazAvtoJol" UK" AQ Basqarma tóraǵasynyń orynbasary. "Eren eńbegi úshin" (2012 j.) medalimen marapattalǵan.
