«QazAvtoJol» aýa raiynyń qolaisyzdyǵyna bailanysty qazaqstandyqtarǵa eskertý jasady, dep habarlaidy "Ult aqparat".
«4-8 aqpan aralyǵynda aýa raiynyń qolaisyz jaǵdailaryna, atap ótkende, qalyń qar, burqasyn, qar aralas jańbyr men kók taiǵaqtyń boljanýyna bailanysty jáne tótenshe jaǵdaidyń aldyn-alý maqsatynda alys saparǵa shyǵýdan bas tartýǵa keńes beremiz. Jolǵa shyqqan jaǵdaida, qaýipsiz marshrýtty tańdaý, jol erejelerin saqtaý, qaýipsiz ara qashyqtyq pen jyldamdyqty ustaný qajettiligi týraly eskertemiz», - delingen habarlamada.
Kez-kelgen kúrdeli jaǵdaida «QazAvtoJol» UK» AQ-nyń 1403 nómirindegi bailanys ortalyǵyna nemese 102, 112 nómirindegi tótenshe qyzmetke habarlasýǵa bolady.
