100 myń dollar kóleminde para alǵany úshin «Qazavia qutqarý» AQ bas direktory M.D.Dosymbekov pen QR Aýyl sharýashylyǵy ministrligi «Qazavia ormandy qorǵaý» RMKK bas direktory T.T.Seksenbaev ustaldy, dep habarlaidy Sybailas jemqorlyqqa qarsy is-qimyl jónindegi ulttyq biýronyń baspasóz qyzmeti.
«13 shilde kúni Almaty qalasy boiynsha Sybailas jemqorlyqqa qarsy is-qimyl jónindegi ulttyq biýro departamenti 12 mln AQSh dollary turatyn «MI-171E» markaly tikushaǵyn alý maqsatynda sheteldik kompaniia basshylyǵymen kelisimshartqa qol qoiý barysynda 50 myń AQSh dollary kólemindegi paranyń jartysy alynǵannan keiin QR IIM TJ komiteti «Qazavia qutqarý» AQ bas direktory M.D.Dosymbekov pen «Qazavia ormandy qorǵaý» RMKK bas direktory T.T.Seksenbaevty ustady. Paranyń jalpy kólemi 100 myń AQSh dollaryn quraidy», - delingen habarlamada.
Sot sanktsiiasymen kúdiktiler qamaýǵa alynyp, sotqa deiingi tekserý jumystary júrgizilip jatyr.
