«Samuryq - Qazyna» AQ óziniń mindettemelerin merziminen buryn óteý úshin QR Ulttyq qoryna 161,7 mlrd. teńge aýdardy. Bul «Qazatomprom» UAK» AQ 15% aktsiiasyn satqannan túsken qarjy dep habarlaidy «Ult aqparat».
Aita ketý kerek, 2018 jyldyń 13 qarashasynda «Qazatompromnyń» 15% aktsiiasy Astana men Londonnyń qor birjalarynda satyldy. Osylaisha, «Qazatomprom» UAK» AQ halyqaralyq naryqqa shyǵarylǵan alǵashqy ulttyq kompaniia bolyp otyr.
«Samuryq-Qazyna» qorynyń baspasóz qyzmeti taratqan habarlamaǵa sáikes, QR Prezidentiniń kvazimemlekettik sektor aktivterin jekeshelendirýden túsken tabysty Ulttyq qorǵa aýdarý jónindegi tapsyrmasyn oryndaý maqsatynda «Samuryq - Qazyna» AQ direktorlar keńesi jeltoqsan aiynda qorǵa bereshegin merziminen buryn qaitarýdy uiǵarǵan.
«Bastapqyda 2013 jáne 2015 jyldary qaryz aqsha investitsiialyq jobalardy júzege asyrý úshin alynǵan. Sáikesinshe boryshty óteý 2028 ben 2035 jyldarǵa josparlanǵan edi», delingen habarlamada.
