Búgin «Samuryq-Qazyna» UÁQ» AQ basqarma tóraǵasy Ómirzaq Shókeev «Qazatomónerkásip» UAK» AQ ujymyna ulttyq atom kompaniiasynyń jańa basqarma tóraǵasy Ǵalymjan Oljauly Pirmatovty tanystyrdy. Ol buǵan deiin QR Ulttyq banki tóraǵasynyń orynbasary bolyp jumys istegen, dep habarlady búgin ulttyq kompaniianyń baspasóz qyzmeti.
Ǵ. Pirmatovtyń kandidatýrasy kompaniianyń jalǵyz aktsioneri «Samuryq-Qazyna» UÁQ» AQ-nyń sheshimimen bekitilgen. Qor basshysy atap ótkendei, Ǵ. Pirmatov atom ónerkásibi salasynda jumys tájiribesi bar kásibi basshy. 2009-2011 jyldar aralyǵynda Ǵ. Pirmatov «Qazatomónerkásip» UAK» AQ-nyń ekonomika jáne qarjy jónindegi vitse-prezidenti boldy. 2011-2015 jyldary «Cameco Kazakhstan» taý-ken kompaniiasyn basqardy.
«Ǵalymjan Pirmatov - atom indýstriiasynda jaqsy tanymal joǵary bilikti maman. Ol salamen jaqyn tanys, sondyqtan kompaniia aldynda turǵan maqsat-mindetterdi tolyq oryndap, qazir salada júrip jatqan júieli reformalardy sońyna jetkize alady», - dedi Ó. Shókeev.
Kezdesýge «Qazatomónerkásip» kompaniiasynyń burynǵy basshysy, búginde QR Premer-Ministriniń orynbasary Asqar Jumaǵaliev qatysty. Ol Qor basshylyǵy men ulttyq atom kompaniiasynyń ujymyna birlese atqarǵan jemisti jumys úshin rizashylyǵyn aityp, jańa basshyǵa tabystar tiledi.
Eske sala ketsek, QR Prezidentiniń 2017 jylǵy 29 tamyzdaǵy Jarlyǵymen Asqar Jumaǵaliev QR Premer-Ministriniń orynbasary bolyp taǵaiyndalǵan bolatyn.
