Tabiǵi ýrannyń iri óndirýshisi «Qazatomónerkásip» ulttyq atom kompaniiasy» AQ ákimshilik jaýapkershilikke tartyldy. Bul týraly QR Energetika ministrliginiń baspasóz qyzmetinen málim etti, dep habarlaidy "Ult aqparat".
«QR Energetika ministrliginiń Atomdyq jáne energetikalyq qadaǵalaý men baqylaý komiteti ýran eksporty men importy boiynsha Qazaqstan Respýblikasynyń ulttyq operatory mártebesine ie «Qazatomónerkásip» UAK» AQ-ǵa qatysty atom energiiasyn paidalaný salasyndaǵy normativtik-quqyqtyq aktilerdiń talaptaryna sáikestigine tekserý júrgizdi. Tekserý barysynda tabiǵi ýrandy jóneltý, personaldy oqytý jáne fizikalyq qorǵaý josparynyń bolýy kezinde ýákiletti organdy ýaqtyly habardar etpeý bóliginde atom energiiasyn paidalaný salasyndaǵy normativtik-quqyqtyq aktiler talaptarynyń buzylýy anyqtaldy», - delingen taratylǵan málimette.
Osy oraida tekserý nátijeleri boiynsha anyqtalǵan buzýshylyqtardy joiý týraly uiǵarymdar berildi. Ákimshilik quqyq buzýshylyq týraly is qozǵalyp, ákimshilik jaza qoldaný qaraldy.
