Foto: Tengrinews.kz
2022 jylǵy qazanda Qazaqstan aýmaǵynyń basym bóliginde sýyq, al úshinshi onkúndiktiń basynda jyly bolǵan. Biraq jaýyn-shashyn rekord kórsetkishte jaýǵan. Bul týraly "Qazgidromet" RMK sinoptikteri aitty, - dep habarlaidy Tengrinews.kz agenttigi.
Aidyń basynda respýblika aýmaǵynda Jańa Jer aýdandarynan aziialyq antitsiklon kelgeni baiqalǵan. Túnde sýyq aýa massalarynyń enýi nátijesinde aýa temperatýrasy -8...-12 gradýsqa deiin tómendegen. Bul Qazaqstannyń soltústik, ortalyq jáne shyǵys óńirlerinde de baiqalǵan.
"Temperatýra rekord kórsetkishte myna meteorologiialyq stantsiialarda belgilengen: 1 qazanda "Kókshetaý" MS-de termometr baǵany túnde -9,2 gradýsqa deiin tómendegen, al 1981 jyly túnde aýa temperatýrasy -4,0 gradýsqa deiin kórsetken, "Aqtoǵai" MS-de (Qaraǵandy oblysy) túnde 12,2 gradýs tirkelgen, osylaisha, 2019 jylǵy rekord jańartylǵan (-7,1 gradýs), "Ridder" MS-de (Shyǵys Qazaqstan oblysy) aýanyń eń tómengi temperatýrasy -9,0 gradýsqa jetken, al bul jerde eń tómengi aýa temperatýrasy 1986 jyly (-8,7 gradýs) tirkelgen, 3 qazanda "Rýzaevka" MS (Soltústik Qazaqstan oblysy) -8,0 gradýs bolǵan, osylaisha, 1976 jylǵy rekord (-4,0 gradýs) jańartyldy", - dedi Qazgidromet ókili.
Qazannyń birinshi jáne ekinshi onkúndiginde eldiń kóp bóliginde jaýyn-shashyn normadan az bolǵan, alaida úshinshi onkúndikte rekord mólsherde jaýǵan. Bul tsiklon ótýine bailanysty bolǵan.
Al Astanada eń tómengi aýa temperatýrasy -6,3 gradýs retinde 29 qazanda tirkelgen, al eń joǵary aýa temperatýrasy + 22,1 gradýs retinde 7 qazanda tirkelgen. Qazannyń ortasha ailyq aýa temperatýrasy + 6,1 gradýs bolǵan, bir aidaǵy norma +5,0 gradýs bolǵan. Normadan aýytqý +1,1 gradýs bolǵan. Qazanda jaýyn-shashyn mólsheriniń normasy - 26 millimetr, jaýyn-shashyn mólsheri 17 millimetr bolǵan. Bul kórsetkish normanyń 64 paiyzy bolǵan.
