فوتو: Tengrinews.kz
2022 جىلعى قازاندا قازاقستان اۋماعىنىڭ باسىم بٶلٸگٸندە سۋىق, ال ٷشٸنشٸ ونكٷندٸكتٸڭ باسىندا جىلى بولعان. بٸراق جاۋىن-شاشىن رەكورد كٶرسەتكٸشتە جاۋعان. بۇل تۋرالى "قازگيدرومەت" رمك سينوپتيكتەرٸ ايتتى, - دەپ حابارلايدى Tengrinews.kz اگەنتتٸگٸ.
ايدىڭ باسىندا رەسپۋبليكا اۋماعىندا جاڭا جەر اۋداندارىنان ازييالىق انتيتسيكلون كەلگەنٸ بايقالعان. تٷندە سۋىق اۋا ماسسالارىنىڭ ەنۋٸ نەتيجەسٸندە اۋا تەمپەراتۋراسى -8...-12 گرادۋسقا دەيٸن تٶمەندەگەن. بۇل قازاقستاننىڭ سولتٷستٸك, ورتالىق جەنە شىعىس ٶڭٸرلەرٸندە دە بايقالعان.
"تەمپەراتۋرا رەكورد كٶرسەتكٸشتە مىنا مەتەورولوگييالىق ستانتسييالاردا بەلگٸلەنگەن: 1 قازاندا "كٶكشەتاۋ" مس-دە تەرمومەتر باعانى تٷندە -9,2 گرادۋسقا دەيٸن تٶمەندەگەن, ال 1981 جىلى تٷندە اۋا تەمپەراتۋراسى -4,0 گرادۋسقا دەيٸن كٶرسەتكەن, "اقتوعاي" مس-دە (قاراعاندى وبلىسى) تٷندە 12,2 گرادۋس تٸركەلگەن, وسىلايشا, 2019 جىلعى رەكورد جاڭارتىلعان (-7,1 گرادۋس), "ريددەر" مس-دە (شىعىس قازاقستان وبلىسى) اۋانىڭ ەڭ تٶمەنگٸ تەمپەراتۋراسى -9,0 گرادۋسقا جەتكەن, ال بۇل جەردە ەڭ تٶمەنگٸ اۋا تەمپەراتۋراسى 1986 جىلى (-8,7 گرادۋس) تٸركەلگەن, 3 قازاندا "رۋزاەۆكا" مس (سولتٷستٸك قازاقستان وبلىسى) -8,0 گرادۋس بولعان, وسىلايشا, 1976 جىلعى رەكورد (-4,0 گرادۋس) جاڭارتىلدى", - دەدٸ قازگيدرومەت ٶكٸلٸ.
قازاننىڭ بٸرٸنشٸ جەنە ەكٸنشٸ ونكٷندٸگٸندە ەلدٸڭ كٶپ بٶلٸگٸندە جاۋىن-شاشىن نورمادان از بولعان, الايدا ٷشٸنشٸ ونكٷندٸكتە رەكورد مٶلشەردە جاۋعان. بۇل تسيكلون ٶتۋٸنە بايلانىستى بولعان.
ال استانادا ەڭ تٶمەنگٸ اۋا تەمپەراتۋراسى -6,3 گرادۋس رەتٸندە 29 قازاندا تٸركەلگەن, ال ەڭ جوعارى اۋا تەمپەراتۋراسى + 22,1 گرادۋس رەتٸندە 7 قازاندا تٸركەلگەن. قازاننىڭ ورتاشا ايلىق اۋا تەمپەراتۋراسى + 6,1 گرادۋس بولعان, بٸر ايداعى نورما +5,0 گرادۋس بولعان. نورمادان اۋىتقۋ +1,1 گرادۋس بولعان. قازاندا جاۋىن-شاشىن مٶلشەرٸنٸڭ نورماسى - 26 ميلليمەتر, جاۋىن-شاشىن مٶلشەرٸ 17 ميلليمەتر بولعان. بۇل كٶرسەتكٸش نورمانىڭ 64 پايىزى بولعان.
