Qazaqstan Respýblikasynyń Prezidenti Nursultan Nazarbaev búgingi Joldaýynda eldegi úsh aýysymdy mektep máselesin sheshýdi tapsyrdy, dep habarlaidy Baq.kz tilshisi.
«Bala qaýipsizdiginiń mańyzdylyǵyn eskere otyryp, eldegi mektepter men balabaqshalardy 100% beinebaqylaý júielerimen jabdyqtaýdy, mektep psihologtarynyń jumysyn kúsheitýdi jáne basqa da sharalar qabyldaýdy tapsyramyn. Ol jaqta balalar jaraqat alyp jatyr, biiktikten qulap jatyr. Balanyń aty – bala. Birdeńe isteý kerek», - dedi Elbasy.
Sonymen qatar, Memleket basshysy kúni búginge deiin elimizde mektep tapshylyǵy bar ekenin de aitty.
«Mektep tapshylyǵy, úsh aýysymdy mektep áli de bar. Sondyqtan, 2019-2021 jyldary osy maqsattarǵa taǵy 50 mlrd teńge bólýdi tapsyramyn. Álgi masqaraly úsh aýysymdy mektepter máselesin sheshý qajet», - dedi Prezident.
Nazarbaev qazirgi ýaqytta 28 mektep salý úshin qarajat bólingenin, alaida ol shaǵyn jinaqty mektepter ekenin synady.
«Qazaqstanda 1360 mektep jabylǵanyn bilesizder me? Sebebi, ol jaqta halyq turmaidy, kóship ketken. Adamdar turmaityn jerde mektep pen aýrýhana salýdyń ne qajeti bar? Odan da sol adamdardyń kóshýine qol ushyn sozyńdar. Baspana máselesin sheship berińder», - dep tapsyrdy Memleket basshysy.
.jpeg)