QR Prezidenti Nursultan Nazarbaev aýyl sharýashylyǵyn damytýdyń mańyzdylyǵyn jetkizdi, dep habarlaidy QazAqparat tilshisi.
«Iá, territoriiamyz keń, sýdyń tapshylyǵy bar. Degenmen Qazaqstanda jerasty sýdyń qory jetkilikti. Máselen, buryn bizde 1500 qudyq boldy. Sonda árbir qudyqtyń janynda 10 myń bas maldy ósirýge bolady. Anaý Izraildi qarańyzshy, osy eldiń burynǵy prezidenti, marqum Shimon Peres aityp otyratyn, 500 myń evreidi jinap alyp, qumdy ári tastaq jerge jiberdik dep. Qazir Izrail bizge jyl on eki ai qulpynaidy jetkizip otyrady. Sonyń bárin olar qumdy jerde ósirdi. Sýlary joq bolsa da, Jerorta teńiziniń sýyn aýyz sýǵa ainaldyrýdy úirendi. Sóitip, óndiristerin kóterip aldy. Oǵan qaraǵanda, bizdiń dalamyz jumaq qoi», - dedi N.Nazarbaev Jastar jylynyń saltanatty ashylý rásiminde.
Prezidenttiń aitýynsha, elimizde egindik jáne jaiylym jerleri jeterlik. Sonyń barlyǵyn tiimdi paidalanyp, ǵylymi tehnologiialardy engizetin bolsaq, álem halyqtaryn asyrai alamyz. Sodan mol tabys tabýǵa múmkindik bar.
«Sol sebepti agrarlyq keshen biz úshin mańyzdy máselelerdiń biri ári biregeii bolyp sanalady. Biz osy salada óz brendterimizdi jasai alamyz. Ashyq aitaiyn, qazir bir investorlar jer surap otyr. Soǵan Amerikanyń tehnologiialaryn engizýge ázir. Máselen, AQSh-tyń Dakota shtatynda bizden jeti ese artyq ónim alyp otyr. Ondai tehnologiialardy óz jerimizde de engize alamyz ǵoi. Qazaqstanda agrarlyq keshen strategiialyq sala bolyp sanalady. Bolashaqta atalǵan sala otandyq ekonomikanyń basty draiverine ainalýy ábden múmkin», - dep atap kórsetti N.Nazarbaev.
Aita keteiik, búgingi shara barysynda Prezident aýylǵa barǵan jastardyń járdemaqysyn kóbeitýdi tapsyrdy.
.jpeg)