Qazaqtyń tuńǵysh skripkashysy Álim Almat týraly film túsirýdi ókiletti organ qoldady. Bul týraly QR Premer-Ministri Asqar Maminniń Senat depýttarynyń saýalyna bergen jaýabynda aitylǵan, dep habarlaidy "Ult aqparat".
«Álim Almat týraly kórkem film túsirý týraly usynysty ókiletti organ tujyrymdamalyq turǵyda qoldady jáne kinematografiia salasyndaǵy zańnamaǵa sáikes qaralatyn bolady», - dedi Asqar Mamin.
Aita keteiik, taiaýda bir top senator Ekinshi dúniejúzilik soǵysta qapyda tutqynǵa túsken jaýyngerler aqtalýy kerektigin másele etip kóterip, sondai azamattardyń biri Álim Almat týraly film túsirýdi Úkimet basshysy Asqar Maminge usynǵan edi.
«Onyń biri - soǵys qurbany, ómiriniń sońyna deiin týǵan jerinde aqtalmaǵan Álim Almat bolatyn. Ol 1939 jyly qyzyl ásker qataryna shaqyrylyp, 1941 jyly elge qaitar kezde soǵys bastalyp ketedi. Maýsym aiynyń sońynda Á.Almat diviziiadaǵy 560 adammen birge tutqynǵa túsedi. Biraq qazaqtyń birtýar perzenti Mustafa Shoqaidyń jary Mariia Shoqaidyń kómegimen tutqynnan bosap shyǵyp, mýzyka ýchilishesine oqýǵa qabyldanady. Talantty mýzykant áýeli Parijdegi konservatoriiada oqidy, keiin túrik elshiligi arqyly Túrkiia azamattyǵyn alady. Sol elde qaitys boldy», - degen edi Úkimet basshysyna depýtattyq saýal joldaǵan Álimhan Qurtaev.
