Foto: Akorda.kz
Memleket basshysy «Otandastar» forýmyna qatysýshylarǵa úndeý joldady, dep habarlaidy Aqordanyń baspasóz qyzmeti.
Qasym-Jomart Toqaev jiynǵa qatysýshylardy «Otandastar» forýmynyń ashylýymen quttyqtady.
"Bul – halqymyz úshin airyqsha máni bar basqosý. Qazaqta «Kelisip pishken ton kelte bolmas» degen sóz bar. Ata-babamyz qashanda eldik máselelerdi alqaly jiynda aqyldasyp sheshken. Osy oraida sheteldegi qazaqtarmen jan-jaqty bailanysty nyǵaitý, ulttyq qundylyqtardy dáripteý jáne basqa da ózekti máselelerdi ózderińizben birge talqylaýdyń mańyzy zor. Qai memleketti meken etse de, qazaqtyń bir ǵana tarihi Otany bar, ol – Qazaqstan. Sondyqtan biz shetelde turatyn baýyrlarymyzdy qoldaýǵa qashanda basa mán beremiz. Olardyń Atajurtqa qonys aýdarýyna barlyq jaǵdai jasalǵan. Qazaqstan azamattyǵyn jáne qandas mártebesin alý tártibi jeńildetildi. Sheteldegi qazaq kásipkerleri úshin «Ata joly» kartasy engizildi. Basqa da mańyzdy jumystar atqarylýda. Qandastarmen qarym-qatynasty damyta túsýge baǵyttalǵan osyndai sharalar jalǵasa beredi", – dedi Prezident.
Qasym-Jomart Toqaev jiynǵa álemniń ár túkpirinen arnaiy kelgen qandastarymyz ben mártebeli meimandarǵa alǵys aityp, atalǵan basqosýda alystaǵy aǵaiynmen bailanysty nyǵaitýǵa septigin tigizetin saliqaly oi, salmaqty pikirler aitylatynyna senim bildirdi.
Sondai-aq Memleket basshysy jiyn qatysýshylaryna zor densaýlyq, baq-bereke tiledi.
