Foto: cgtn.com
Qyitaidyń qaltasyn qampaityp jatyrmyz deidi depýtat Perýashev. Aitýynsha, bizdiń el Temu men AliExpress siiaqty Qytaidyń onlain-alańdary úshin jumaq mekenge ainalǵan. Olardyń biýdjetke qosatyn úlesi kók tiyn, solardyń kesirinen otandyq biznes te sorlap otyr. Bul týraly ozgeris.info jazady dep habarlaidy Ult.kz.
Depýtattyń málimetinshe, sheteldik platformalar 200 eýroǵa deiingi taýardy kedendik tólemnen bosatatyn erejeni paidalanyp, NSD múlde tólemeidi. Esesine, qazaq kásipkerleri 16,3 paiyzdan 62 paiyzǵa deiingi salyq aýyrtpalyǵyn arqalaýǵa májbúr.
Perýashev «2023 jyly dál osy sheteldik kompaniialardyń NDS tóleýden jaltarýy saldarynan el biýdjeti 60 milliard teńgeden astam qarajattan qaǵyldy» degen derek keltirdi.
Depýtat birneshe usynys aityp otyr
Birinshiden, Qazaqstan naryǵynda jumys istegisi keletin sheteldik marketpleisterdi bizdiń salyq organdaryna mindetti túrde tirkeýdi talap etý kerek.
Ekinshiden, olar elimizdegi tutynýshylardan túsken kiristerine NDS jáne basqa da tólemderdi rásimdeýi tiis.
Úshinshiden, otandyq elektrondy saýdany qoldaý sharalaryn keńeitip, halyqaralyq tólem júielerimen birlesip jumys isteýge, qyzmet pen logistikany jeńildetýge jaǵdai jasaý qajet.
«Mundai qadamdardy qolǵa almaiynsha, qazaqtyń kásipkerleri eńse tiktei almaidy. Sheteldik básekelester asa jeńil talappen naryq úlesin ulǵaita beredi», — deidi Perýshaev.
Onyń oiynsha, memleket syrtqy platformalarǵa da naqty salyq mindettemesin júktese, biýdjet kirisi artyp, ádiletsizdik azaiar edi.
