فوتو: cgtn.com
قىيتايدىڭ قالتاسىن قامپايتىپ جاتىرمىز دەيدٸ دەپۋتات پەرۋاشەۆ. ايتۋىنشا, بٸزدٸڭ ەل Temu مەن AliExpress سيياقتى قىتايدىڭ ونلاين-الاڭدارى ٷشٸن جۇماق مەكەنگە اينالعان. ولاردىڭ بيۋدجەتكە قوساتىن ٷلەسٸ كٶك تيىن, سولاردىڭ كەسٸرٸنەن وتاندىق بيزنەس تە سورلاپ وتىر. بۇل تۋرالى ozgeris.info جازادى دەپ حابارلايدى Ult.kz.
دەپۋتاتتىڭ مەلٸمەتٸنشە, شەتەلدٸك پلاتفورمالار 200 ەۋروعا دەيٸنگٸ تاۋاردى كەدەندٸك تٶلەمنەن بوساتاتىن ەرەجەنٸ پايدالانىپ, نسد مٷلدە تٶلەمەيدٸ. ەسەسٸنە, قازاق كەسٸپكەرلەرٸ 16,3 پايىزدان 62 پايىزعا دەيٸنگٸ سالىق اۋىرتپالىعىن ارقالاۋعا مەجبٷر.
پەرۋاشەۆ «2023 جىلى دەل وسى شەتەلدٸك كومپانييالاردىڭ ندس تٶلەۋدەن جالتارۋى سالدارىنان ەل بيۋدجەتٸ 60 ميلليارد تەڭگەدەن استام قاراجاتتان قاعىلدى» دەگەن دەرەك كەلتٸردٸ.
دەپۋتات بٸرنەشە ۇسىنىس ايتىپ وتىر
بٸرٸنشٸدەن, قازاقستان نارىعىندا جۇمىس ٸستەگٸسٸ كەلەتٸن شەتەلدٸك ماركەتپلەيستەردٸ بٸزدٸڭ سالىق ورگاندارىنا مٸندەتتٸ تٷردە تٸركەۋدٸ تالاپ ەتۋ كەرەك.
ەكٸنشٸدەن, ولار ەلٸمٸزدەگٸ تۇتىنۋشىلاردان تٷسكەن كٸرٸستەرٸنە ندس جەنە باسقا دا تٶلەمدەردٸ رەسٸمدەۋٸ تيٸس.
ٷشٸنشٸدەن, وتاندىق ەلەكتروندى ساۋدانى قولداۋ شارالارىن كەڭەيتٸپ, حالىقارالىق تٶلەم جٷيەلەرٸمەن بٸرلەسٸپ جۇمىس ٸستەۋگە, قىزمەت پەن لوگيستيكانى جەڭٸلدەتۋگە جاعداي جاساۋ قاجەت.
«مۇنداي قادامداردى قولعا المايىنشا, قازاقتىڭ كەسٸپكەرلەرٸ ەڭسە تٸكتەي المايدى. شەتەلدٸك بەسەكەلەستەر اسا جەڭٸل تالاپپەن نارىق ٷلەسٸن ۇلعايتا بەرەدٸ», — دەيدٸ پەرۋشاەۆ.
ونىڭ ويىنشا, مەملەكەت سىرتقى پلاتفورمالارعا دا ناقتى سالىق مٸندەتتەمەسٸن جٷكتەسە, بيۋدجەت كٸرٸسٸ ارتىپ, ەدٸلەتسٸزدٸك ازايار ەدٸ.
