«Qazaqtelekom» AQ ǵimarattarynda tintý is-sharalary júrip jatyr. Bul týraly Sybailas jemqorlyqqa qarsy is-qimyl agenttiginiń tóraǵasy Oljas Bektenov aitty, dep habarlaidy QazAqparat.
Búgin Májilistiń jalpy otyrysynan keiin tilshiler agenttik basshysynan «Qazaqtelekomdaǵy» tintý is-sharalary týraly suraq qoidy.
«Árine, tergeý amaldary júrip jatyr. Osy oraida tintý is-sharalaryn júrgizý kerek, onyń ishinde «Qazaqtelekom» AQ-nyń Almaty men elordadaǵy keńseleri bar. Belsendi tergeý is-qimyldaryn keshe ǵana bastadyq. Jańa málimetter bolsa, biz ony jariialaimyz», - dedi Oljas Bektenov.
Budan buryn habarlanǵandai, Sybailas jemqorlyqqa qarsy qyzmet laýazymdyq ókilettikterin asyra paidalaný jáne «Qazaqtelekom» AQ-nyń qarajatyn asa iri kólemde urlaý faktileri boiynsha qylmystyq isti tergeýde.
Atalǵan qylmystardy jasady degen kúdikpen Qairat Satybaldyuly ustalyp, ýaqytsha ustaý izoliatoryna qamaldy.
