Almaty qalasynda NEW VISION 2025 halyqaralyq biznes-forýmy óz jumysyn aiaqtady. Is-shara tehnologiialar, ekonomika jáne kreativti indýstriialardyń bolashaǵyn talqylaýǵa arnalǵan Eýraziia keńistigindegi basty dialog alańdarynyń birine ainaldy. Forýmǵa álemniń túkpir-túkpirinen biznes kóshbasshylary, investorlar, ǵylymi orta men shyǵarmashylyq indýstriia ókilderi qatysyp, yntymaqtastyq pen ideialar almasýdyń jańa kókjiekterin aiqyndady.
«Qazaqtelekom» AQ forýmnyń resmi tehnikalyq seriktesi retinde alańdy senimdi tsifrlyq infraqurylymmen jáne úzdiksiz bailanyspen qamtamasyz etti. Zamanaýi talshyqty-optikalyq sheshimder men rezervtik bailanys arnalarynyń arqasynda barlyq is-sharalar joǵary tehnologiialyq deńgeide, úzilissiz jáne kidirissiz ótti.
Biylǵy forýmnyń negizgi taqyryby - innovatsiialar men kreativti ekonomikany damytý. Plenarlyq otyrystar men paneldik pikirtalastarda tsifrlandyrý, turaqty damý, jasandy intellekt jáne biznes pen qoǵamnyń ózara yqpaldasýynyń jańa formalary keńinen talqylandy. Forýmnyń mańyzdy nátijeleriniń biri kino, dizain, tsifrlyq kontent jáne oiyn indýstriiasyndaǵy shyǵarmashylyq jobalardy qoldaýǵa baǵyttalǵan 40 million AQSh dollarlyq qordyń qurylýy boldy.
Forým qonaqtary «Qazaqtelekom» AQ stendinde kompaniianyń zamanaýi telekommýnikatsiialyq keńistiktiń múmkindikterin kórsetetin jańa tsifrlyq servisterimen tanysty. Kelýshilerdiń erekshe qyzyǵýshylyǵyn TV+ tsifrlyq televideniesi týdyrdy. Bul - Qazaqstandaǵy eń aýqymdy litsenziialanǵan tele jáne beine kontent katalogyn usynatyn platforma. TV+ qyzmeti túrli janr men baǵyttaǵy 150-den astam telearnany, Salem Social Media kompaniiasynyń ekskliýzivti serialdaryn, sondai-aq Disney stýdiiasynyń ańyzǵa ainalǵan filmderi men mýltfilmderin biriktiredi. Sonymen qatar, platformada qazaq tilindegi 1000-nan astam film men serial bar.
Qyzmet Smart TV teledidarlarynan bastap mobildi qosymshalarǵa deiin ártúrli qurylǵylarda qoljetimdi jáne yńǵailylyqty, joǵary sapany ári ulttyq kontentti úilestiretin zamanaýi, túsinikti paidalanýshylyq tájiribeni usynady.
Forým qatysýshylary sondai-aq barlyq negizgi bailanys qyzmetterin biriktiretin Telecom KZ mobildi qosymshasyn synap kórdi. Qosymsha arqyly qyzmetterdi qosý, tarifterdi basqarý, tólem jasaý jáne kompaniianyń tsifrlyq servisterine qol jetkizýge bolady.
Sonymen qatar, qonaqtar nazaryn 10G internet tehnologiiasynyń tanystyrylymy aýdardy. Bul - asa joǵary jyldamdyqtaǵy bailanys dáýirin ashyp, bolashaq jelileriniń sapasy men turaqtylyǵynyń jańa standarty bolyp tabylady.
«Qazaqtelekom» AQ Qazaqstannyń tsifrlyq ekojúiesin damytýǵa jáne azamattardyń ómir sapasyn arttyrýǵa baǵyttalǵan innovatsiialyq sheshimderdi dáiekti túrde engizip keledi. NEW VISION 2025 forýmyna qatysý kompaniianyń eldiń tehnologiialyq transformatsiiasyndaǵy jetekshi rólin jáne Qazaqstannyń óńirlik tsifrlyq hab retindegi mártebesin nyǵaitýdaǵy úlesin taǵy bir márte aiqyndady.
«Qazaqtelekom» AQ kommýnikatsiialar
jáne brendti ilgeriletý departamenti
