Nursultan Nazarbaev Keńes Odaǵy qulaǵan kezdegi jáne qazirgi kezdegi qazaqstandyqtardyń ómir súrý deńgeiin salystyrdy, - dep habarlaidy Ult.kz tilshisi kaz.tengrinews.kz portalyna silteme jasap.
"Men kópshilik aldynda turyp qazaqtardyń qazirgidei eshqashan da ómir súrmegenin aita alamyn", - dedi Memleket basshysy Astana klýbymen kezdesý barysynda.
Nursultan Nazarbaevtyń aitýynsha, qazirgi jastar azyq-túliktiń jetispeýshiligi degendi bilmeidi. Sondai-aq, Prezident qazaqstandyq áielderge Parijge barmai-aq qoiý kerek ekenin aitty.
"Adamdardyń armanynda shek joq, olar barynsha jaqsy ómir súrgisi keledi. Men 25 jastaǵy jastarǵa únemi aityp otyramyn. Ol 1991 jyly dúniege keldi, iaǵni, ol ótken kezeńdi bilmeidi. Men oǵan sol kezde analarymyzdyń sútke qoly jete almai, túngi tórtten bastap balalaryna sút alý úshin kezekte turǵandaryn aityp otyramyn. Ol kezde dúkenderde nan da, temeki de, qant da bolmaǵan. Árine, ol adamǵa bul jaǵdaidy túsiný qiyn, sebebi qazirgi kezde kerek zattyń barlyǵy bar. Bizdiń áielderge Parijge barýdyń qajeti joq. Astanadaǵy kez kelgen dúkenge barsańyz, sonda kerekti zattaryńyz bar. Elimizde álemniń barlyq ashanasy qamtylǵan meiramhanalar bar. Túsinesizder me? Biz jetkimiz kelgen maqsattarymyzǵa áli jetken joqpyz", - dedi Nursultan Nazarbaev.
.jpeg)