نۇرسۇلتان نازارباەۆ كەڭەس وداعى قۇلاعان كەزدەگٸ جەنە قازٸرگٸ كەزدەگٸ قازاقستاندىقتاردىڭ ٶمٸر سٷرۋ دەڭگەيٸن سالىستىردى, - دەپ حابارلايدى ۇلت.كز تٸلشٸسٸ kaz.tengrinews.kz پورتالىنا سٸلتەمە جاساپ.
"مەن كٶپشٸلٸك الدىندا تۇرىپ قازاقتاردىڭ قازٸرگٸدەي ەشقاشان دا ٶمٸر سٷرمەگەنٸن ايتا الامىن", - دەدٸ مەملەكەت باسشىسى استانا كلۋبىمەن كەزدەسۋ بارىسىندا.
نۇرسۇلتان نازارباەۆتىڭ ايتۋىنشا, قازٸرگٸ جاستار ازىق-تٷلٸكتٸڭ جەتٸسپەۋشٸلٸگٸ دەگەندٸ بٸلمەيدٸ. سونداي-اق, پرەزيدەنت قازاقستاندىق ەيەلدەرگە پاريجگە بارماي-اق قويۋ كەرەك ەكەنٸن ايتتى.
"ادامداردىڭ ارمانىندا شەك جوق, ولار بارىنشا جاقسى ٶمٸر سٷرگٸسٸ كەلەدٸ. مەن 25 جاستاعى جاستارعا ٷنەمٸ ايتىپ وتىرامىن. ول 1991 جىلى دٷنيەگە كەلدٸ, ياعني, ول ٶتكەن كەزەڭدٸ بٸلمەيدٸ. مەن وعان سول كەزدە انالارىمىزدىڭ سٷتكە قولى جەتە الماي, تٷنگٸ تٶرتتەن باستاپ بالالارىنا سٷت الۋ ٷشٸن كەزەكتە تۇرعاندارىن ايتىپ وتىرامىن. ول كەزدە دٷكەندەردە نان دا, تەمەكٸ دە, قانت دا بولماعان. ەرينە, ول ادامعا بۇل جاعدايدى تٷسٸنۋ قيىن, سەبەبٸ قازٸرگٸ كەزدە كەرەك زاتتىڭ بارلىعى بار. بٸزدٸڭ ەيەلدەرگە پاريجگە بارۋدىڭ قاجەتٸ جوق. استاناداعى كەز كەلگەن دٷكەنگە بارساڭىز, سوندا كەرەكتٸ زاتتارىڭىز بار. ەلٸمٸزدە ەلەمنٸڭ بارلىق اسحاناسى قامتىلعان مەيرامحانالار بار. تٷسٸنەسٸزدەر مە? بٸز جەتكٸمٸز كەلگەن ماقساتتارىمىزعا ەلٸ جەتكەن جوقپىز", - دەدٸ نۇرسۇلتان نازارباەۆ.
.jpeg)