«Qazaqstanym-Ǵajapstanym» músháirasynyń jeńimpazdary marapattaldy Astana qalasy ákimdiginiń qoldaýymen, Sáken Seifýllin murajaiynyń uiymdastyrýymen biyl jetinshi márte ótkizilip otyrǵan respýblikalyq jyr músháirasy EKSPO-2017 kórmesiniń qurmetine arnaldy.
«Qazaqstanym-Ǵajapstanym» aidarymen jariialanǵan músháiraǵa elimizdiń túkpir-túkpirinen úlkendi-kishili 50-ge tarta aqyn qatysty. Aqyndar atalmysh taqyrypty ár qyrynan ashyp, keńinen tolǵaýǵa qulash urǵanymen, kópshiligi dittegen jerden kórine almady.
Qazylar alqasy dámeli jyrlardy saraptai, saralai kele, 12 aqyndy júldege laiyq dep tapty. Sonymen, kórnekti jazýshy, Memlekettik syilyqtyń laýreaty Qoishyǵara Salǵara tóraǵalyq etken qazylardyń sheshimimen:
Bas báigeni (2 million teńge) Halyqaralyq «Alash» ádebi syilyǵynyń laýreaty, Qazaqstan Jazýshylar odaǵy basqarmasy tóraǵasynyń birinshi orynbasary Ǵalym Jailybai «Qazaqstan», «Rýh jyry», «Qarataý» toptamasymen qanjyǵasyna bailady.
Birinshi oryn (1million teńge) – Ońtústik Qazaqstan oblysyndaǵy Maqtaaral aýdanynyń týmasy Yqtiiar Myrzaqulovqa buiyrdy. Qazaqstannyń basty-basty 21 qalasyn jyrǵa qosyp, elimizdiń kelisti kelbetin jarqyrata asha bilgen, oqyrmanǵa kóp tanyla qoimaǵan jas aqyn músháiranyń jańalyǵy boldy.
Eki ekinshi oryn (500 myń teńgeden) qyzylordalyq belgili aqyn Tolybai Abylaevqa «Jeruiyq» tolǵaýy, astanalyq jas aqyn Arman Sherizatqa «Astana» óleńi úshin berildi.
Úshinshi úsh oryndy (250 myń teńgeden) almatylyq Ǵalym Qalibekuly «Qazaqstan máńgilik mahabbatym» toptamasymen, elordalyq Oljas Qasym «Ebinei kórgen EKSPO», aiagózdik Aqash Kóksegenov «Meniń altyn tiregim» tolǵaýlarymen bólisti.
Sondai-aq, Dostyq Tileýbergenov (Qyzylorda oblysy, Qarmaqshy aýdany) «Kók týdy súiem», astanalyq jas aqyndar: Ularbek Dálei «Esil boiyn jaǵalata úi tiktim», Baltabek Nurǵali «El baqyty − Elbasy», Qýat Rahatuly «Arman qala – Astana», Muqiiat Qoishybai «Gúl kómkergen Saryarqa» óleńderi úshin (150 myń teńgeden) yntalandyrý syilyqtaryna ie boldy.
«Egemen-aqparat»
