«قازاقستانىم-عاجاپستانىم» مٷشەيراسىنىڭ جەڭٸمپازدارى ماراپاتتالدى استانا قالاسى ەكٸمدٸگٸنٸڭ قولداۋىمەن, سەكەن سەيفۋللين مۇراجايىنىڭ ۇيىمداستىرۋىمەن بيىل جەتٸنشٸ مەرتە ٶتكٸزٸلٸپ وتىرعان رەسپۋبليكالىق جىر مٷشەيراسى ەكسپو-2017 كٶرمەسٸنٸڭ قۇرمەتٸنە ارنالدى.
«قازاقستانىم-عاجاپستانىم» ايدارىمەن جارييالانعان مٷشەيراعا ەلٸمٸزدٸڭ تٷكپٸر-تٷكپٸرٸنەن ٷلكەندٸ-كٸشٸلٸ 50-گە تارتا اقىن قاتىستى. اقىندار اتالمىش تاقىرىپتى ەر قىرىنان اشىپ, كەڭٸنەن تولعاۋعا قۇلاش ۇرعانىمەن, كٶپشٸلٸگٸ دٸتتەگەن جەردەن كٶرٸنە المادى.
قازىلار القاسى دەمەلٸ جىرلاردى ساراپتاي, سارالاي كەلە, 12 اقىندى جٷلدەگە لايىق دەپ تاپتى. سونىمەن, كٶرنەكتٸ جازۋشى, مەملەكەتتٸك سىيلىقتىڭ لاۋرەاتى قويشىعارا سالعارا تٶراعالىق ەتكەن قازىلاردىڭ شەشٸمٸمەن:
باس بەيگەنٸ (2 ميلليون تەڭگە) حالىقارالىق «الاش» ەدەبي سىيلىعىنىڭ لاۋرەاتى, قازاقستان جازۋشىلار وداعى باسقارماسى تٶراعاسىنىڭ بٸرٸنشٸ ورىنباسارى عالىم جايلىباي «قازاقستان», «رۋح جىرى», «قاراتاۋ» توپتاماسىمەن قانجىعاسىنا بايلادى.
بٸرٸنشٸ ورىن (1ميلليون تەڭگە) – وڭتٷستٸك قازاقستان وبلىسىنداعى ماقتاارال اۋدانىنىڭ تۋماسى ىقتييار مىرزاقۇلوۆقا بۇيىردى. قازاقستاننىڭ باستى-باستى 21 قالاسىن جىرعا قوسىپ, ەلٸمٸزدٸڭ كەلٸستٸ كەلبەتٸن جارقىراتا اشا بٸلگەن, وقىرمانعا كٶپ تانىلا قويماعان جاس اقىن مٷشەيرانىڭ جاڭالىعى بولدى.
ەكٸ ەكٸنشٸ ورىن (500 مىڭ تەڭگەدەن) قىزىلوردالىق بەلگٸلٸ اقىن تولىباي ابىلاەۆقا «جەرۇيىق» تولعاۋى, استانالىق جاس اقىن ارمان شەريزاتقا «استانا» ٶلەڭٸ ٷشٸن بەرٸلدٸ.
ٷشٸنشٸ ٷش ورىندى (250 مىڭ تەڭگەدەن) الماتىلىق عالىم قاليبەكۇلى «قازاقستان مەڭگٸلٸك ماحابباتىم» توپتاماسىمەن, ەلوردالىق ولجاس قاسىم «ەبٸنەي كٶرگەن ەكسپو», اياگٶزدٸك اقاش كٶكسەگەنوۆ «مەنٸڭ التىن تٸرەگٸم» تولعاۋلارىمەن بٶلٸستٸ.
سونداي-اق, دوستىق تٸلەۋبەرگەنوۆ (قىزىلوردا وبلىسى, قارماقشى اۋدانى) «كٶك تۋدى سٷيەم», استانالىق جاس اقىندار: ۇلاربەك دەلەي «ەسٸل بويىن جاعالاتا ٷي تٸكتٸم», بالتابەك نۇرعالي «ەل باقىتى − ەلباسى», قۋات راحاتۇلى «ارمان قالا – استانا», مۇقييات قويشىباي «گٷل كٶمكەرگەن سارىارقا» ٶلەڭدەرٸ ٷشٸن (150 مىڭ تەڭگەدەن) ىنتالاندىرۋ سىيلىقتارىنا يە بولدى.
«ەگەمەن-اقپارات»
