Qazaqstandyq elektr energetikasy Qaýymdastyǵy qazaqstannyń JEO-da kadrlyq problemalar bolatyny týraly habarlady.
Jylý energetikasynda júzdegen ashyq jumys oryndary tur. Energetikalyq nysandardaǵy aýqymdy jóndeý jumystary júrgizilip jatqan óńirlerde kadrlyq daǵdarys erekshe seziledi. Jas mamandar JEO-da jumys istemeýge barmaidy. Salalyq Qaýymdastyq aitýynsha, jaǵdai osylai jalǵasa berse, onda jylý energetikasyndaǵy jumysshy kadrlar tapshylyǵy jaqyn arada ýshyǵa túspek.
Qazaqstandyq JEO-da kadr tapshylyǵyn bastan keshiredi. Barlyq derlik jylýmen jabdyqtaý nysandarynda ondaǵan bos jumys oryndary tur. Jylytý maýsymyna daiyndaq barysynda JEO-da jumysshy kadrlardyń tapshylyǵy kúsheie túsedi. Mysaly, elordalyq JEO-2-de 160 ashyq bos jumys orny sol kúiinde tur. Óńirlerde kadr problemasy odan da kúshti.
"Sala qyzmetkerleriniń, onyń ishinde JEO mamandarynyń erte zeinetke shyǵý múmkindigin eskeretin bolsaq, tájiribeli mamandar ketip qalady. Al jastar JEO-ǵa barmaidy nemese bul jumysqa qulyqsyz ornalasady. Árine, sebepterdiń biri jalaqynyń tómendigi. Stansalarda brigadalar tolyq lekte jasqatalmaǵany baiqalady. Kadr máselesi el kóleminde problema jáne bul birden sheshilýi tiis kóldeneń jatqan úlken másele", - dep atap ótti qazaqstandyq elektr energetikalyq Qaýymdastyǵynyń basshysy Talǵat Temirhanov.
Jylýmen jabdyqtaý nysandaryndaǵy kadrlyq daǵdarys bilim berý júiesindegi jaǵdaidy da alańdatady. Talapkerler az, jylý energetikasy mamandyǵyn tańdaidy. QEQ málimetteri boiynsha, beiindi joǵary oqý oryndarynda mamandyqqa suranys joq. Orta eseppen JEO on tájiribe ótýshiniń bireýi ǵana eńbek shartyn jasasady.
"Kadr tapshylyǵynyń sebepteriniń biri, jalaqy mólsheri. Bul máselede salalyq nysandar, mysaly, munai nemese logistikalyq kompaniialarmen básekelese almaidy. Tariftik saiasat jalaqyny kóterýge múmkindik bermeidi", - dep atap ótti qazaqstandyq elektr energetikasy Qaýymdastyǵynyń basshysy Talǵat Temirhanov.
Salalyq Qaýymdastyq ýákiletti organmen jáne beiindi ýniversitettermen birlesip, bolashaq jylý energetikterin qabyldaý jáne oqytý sharttaryn qaita qaraýdy qolǵa aldy. JEO-da kadrlardy tartý jáne olardy ustap turý laiyqty jalaqyǵa bailanysty deidi QEQ. Rasynda aǵymdaǵy tariftik saiasatpen, jylý shyǵyndary elektr qýaty esebimen jabylyp otyrǵan kezde jalaqy qoryn kóterýge múmkindik bermeidi.
Sarapshylar jylý energetikasy boiynsha qoldanystaǵy tariftik saiasatty shuǵyl túrde qaita qaraý qajet dep sanaidy. Áitpese, JEO jumysshy kadrlarsyz qalýy múmkin. Tiisti usynys salany damytýdyń 2035 jylǵa deiingi strategiiasyna engizilgen.
