Qazaqstan Respýblikasynyń 2025 jylǵa deiingi jańa investitsiialyq saiasatynyń tujyrymdamasy ázirlenip jatyr. Bul týraly QR Ulttyq ekonomika vitse-ministri Álisher Ábdiqadyrov aitty, dep habarlaidy QazAqparat.
«Búginde ministrlik memlekettik organdarmen jáne Dúniejúzilik bankpen birlesip, Qazaqstan Respýblikasynyń 2025 jylǵa deiingi jańa investitsiialyq saiasatynyń tujyrymdamasyn ázirleýde. Tujyrymdama jańa investitsiialyq tsikldy qalyptastyrýǵa jáne koronavirýs infektsiiasy pandemiiasynan týyndaǵan jańa trendterdi eskere otyryp, investitsiialar tartý saiasatyn qaita qarastyrýǵa múmkindik beredi», - dedi Á. Ábdiqadyrov Ortalyq kommýnikatsiialar qyzmetinde.
Nátijesinde, eńbek ónimdiligin arttyrýǵa jáne eksporttyq qorjyndy kúrdelendirýge baǵyttalǵan sapaly investitsiialar tartýǵa baǵyttalǵan júieli is-sharalar iske asyrylatyn bolady.
«Tujyrymdamany iske asyrý úshin júieli jáne salalyq is-sharalardy iske asyrý jónindegi egjei-tegjeili is-qimyl jospary ázirlenetin bolady. Tutastai alǵanda, atalǵan barlyq jaǵdailardy jasaý ekonomikany damytýdyń jáne halyqtyń ál-aýqatyn arttyrýdyń túiindi draiverine ainalatyn jańa investitsiialyq tsikldy iske qosýdy qamtamasyz etedi», - dedi vitse-ministr.
