QR Indýstriia jáne infraqurylymdyq damý ministrligi Prezident Q. Toqaevtyń áýe apattaryna yqpal etetin sebepter men jaǵdailardy anyqtaýǵa, kinálilerdi jaýapqa tartýǵa qatysty tapsyrmasy qalai oryndalyp jatqanyn baiandady, dep habarlaidy "Ult aqparat".
Ministrliktiń habarlaýynsha, azamattyq aviatsiiany basqarý tásilderine túbegeili reforma júrgizildi.
Qabyldanǵan sharalar baqylaý men qadaǵalaýdyń tiimdiligin arttyrýǵa, Qazaqstannyń azamattyq aviatsiiasynyń halyqaralyq arenadaǵy imidjin jaqsartýǵa múmkindik berdi.
«Qazaqstannyń aviatsiialyq ákimshiligi» AQ quryldy (100% memlekettiń qatysýymen), onyń negizgi fýnktsiiasy – ushý qaýipsizdigi men aviatsiialyq qaýipsizdik salasyndaǵy tehnikalyq baqylaý men qadaǵalaý. Mundai tásil Qazaqstanda jáne TMD elderi arasynda alǵash ret engizildi. Basqarýdyń uqsas modeli eýropalyq azamattyq aviatsiia agenttiginiń (EASA) barlyq elderinde, damyǵan elderde (Singapýr, BAÁ, Frantsiia jáne t.b.) qoldanylady jáne IKAO moiyndaidy. Azamattyq aviatsiia salasyn retteýdiń jańa modeli IKAO qujattaryna tolyq sáikes keledi jáne bizdiń zańnamaǵa qaishy kelmeidi. Al azamattyq aviatsiia salasyndaǵy bilikti qalyptastyratyn memlekettik fýnktsiialar – memlekettik saiasatty aiqyndaý, NQA qabyldaý, tariftik retteý, strategiiany aiqyndaý jáne ýákiletti uiym basshylyǵyn taǵaiyndaý Azamattyq aviatsiia komitetinde qalady» dep jazylǵan ministrlik habarlamasynda.
IKAO aýditiniń qorytyndysy boiynsha (2017) Qazaqstannyń ushý qaýipsizdigi jónindegi standarttarǵa sáikestik deńgeii 74% quraidy.
Bul nátije álemdik ortasha deńgeiden joǵary (63%) jáne is júzinde eýropalyq ortasha deńgeige (76%) sai keledi.
Aviatsiialyq qaýipsizdik boiynsha Qazaqstannyń IKAO standarttaryna sáikestik deńgeii – 83%, bul ortasha álemdik deńgeiden 11%-ǵa joǵary (72%).
Aviatsiialyq ákimshilik 2020 jyly ushý qaýipsizdigi salasynda: 65 inspektsiialyq tekserý, 9 aviakompaniiany sertifikattaý, aeronavigatsiia salasynda 17 aýdit, 31 áýe ailaǵyn sertifikattaý, 19 áýe ailaǵyna inspektsiialyq tekserý júrgizdi.
Onyń nátijesi boiynsha ushý qaýipsizdigi talaptaryn saqtamaityn 8 aviakompaniianyń, onyń ishinde «Bek Eir», kúmándi júkti zańsyz tasymaldaýmen ainalysqan 3 aviakompaniianyń qyzmeti toqtatyldy.
«2009 jáne 2016 jyldary IKAO aýditiniń qorytyndysy boiynsha eń tómen kórsetkishterdiń biri – aviatsiialyq oqiǵalardy tekserý baǵyty bolǵan edi. Bul máselege birneshe ret nazar aýdaryldy jáne tergeýge jaýapty tiisti bólimsheni kúsheitý qajettigi aityldy. Qazirgi ýaqytta aldaǵy IKAO aýditinen sátti ótý maqsatynda osy baǵyttaǵy jumys tiimdiligin arttyrý máselesi pysyqtalýda. Munda túrli nusqalar qarastyrylyp jatyr, onyń ishinde QR IIDM aviatsiialyq oqiǵalar men intsidentterdi tekserý jónindegi basqarmasynyń fýnktsiialaryn intsidentterdi tekserý jónindegi memleketaralyq nemese óńirlik organǵa (mysaly, Memleketaralyq aviatsiia komitetine) berý de bar. Osy máseleni egjei-tegjeili zerttegennen keiin tiisti sheshim qabyldanady», - deidi QR IIDM.
